१४ माघ,मोरङ । भारतले हडपेको जमिन नेपाल कम्युनिष्ट पार्टीले कब्जा गरेको छ ।
जिल्लाको कानेपोखरी गाउँपालि ४ स्थित रमाइलाेमा आइतरानी लिम्बुको ३९ बिगाहा जमिन धरानका अशोक अग्रवालले ललाईफकाई हडपेकाे भन्दै नेकपाले कब्जामा लिएको हो ।
लिम्बु मानसिक रुपमा अवस्था छिन । त्यहि मौका छोपि भारतीय खुपिया एजेन्सी ‘रअ’ का एजेन्ट समेत रहेका अग्रवालले उनको जमिन हडपेका हुन् । लिम्बु हाल काठमाडौंमा छिन भने उनका आफन्त हङकङ बस्दै आएका छन् । लिम्बु मानसिक रुपमा अवस्था भएपछि २ बर्षअघि नै भूमाफियाहरूले उनकाे जमिन बेचेर खान खाेजेका थिए । तर नेकपाले खबरदारी गरेर झण्डा गाडेपछि २ बर्षअघिदेखि कसैले पनि जमिन किनबेच गर्न सकेका थिएनन् ।
अग्रवालले आफन्त विदेश भएको मौका छोपि अवस्थ लिम्बुलाई ललाईफकाई गरी जग्गा हडपेपछि नेकपाकाे युवादस्ता राष्ट्रिय युवाजनस्वयमसेवक र विद्यार्थी सङ्गठन अखिल (क्रान्तिकारी)को संयुक्त टोलीले पुनः कब्जामा लिएको हो । आइतबार उक्त जमिनमा नेकपाले झण्डा गाड्दै जमिन किनबेच नगर्न अग्रवाललाई चेतावनी समेत दिएको छ ।
जनस्वयमसेवक र क्रान्तिकारीले उक्त जमिनमा युवाहरुलाई स्वरोजगार बनाउन विभिन्न कार्यक्रमहरु संचालन गर्ने जनाएका छन्
