‘भर्जिन’ भन्ने शब्दको अर्थ के हो ? तपाईंले कसरी बुझ्नु भएको छ कुन्नी, तर अभिनेता गौरव पहारीको बुझाई भने अली फरक छ । उनले २७ मंसिरमा आयोजित एक कार्यक्रममा धेरैका अगाडि उभिएर प्वाक्क भनिदिए –‘म ४ महिनादेखि भर्जिन् छु ।’
गौरवले भर्जिन भन्ने शब्द उच्चारण गर्ने सन्दर्भ थियो, ‘मिस्टर भर्जिन’ नामक फिल्म निर्माणको घोषणा ।
वल्र्ड वाइड फिल्मस् डिस्ट्रिव्यूसनको ब्यानरमा बन्ने चलचित्र ‘मिस्टर भर्जिन’मा ‘डेब्यू’ निर्देशक विशारद बस्नेतले निर्देशन गर्दैछन् । फिल्ममा गौरब, बिजय र कमलमणि, भोलाराज सापकोटा, रविन्द्र झा, सिर्जना सुब्बा लगायतको मुख्य भुमिका रहेको छ ।
महेश दवाडीको कथा रहेको चलचित्रमा रामेश्वर कार्कीको छायांकन, विक्रम स्वाँर र दीपकमान सिंहको कोरियोग्राफी रहनेछ । तीन युवाको यौन मनोविज्ञानको कथालाई लिएर चलचित्र ‘मिस्टर भर्जिन’ बन्ने भएको हो । बुधवार एक कार्यक्रमका बीच चलचित्रको औपचारिक घोषणा गरिएको हो ।
चलचित्रको छायांकन मङ्सिर २९ गतेबाट सुरु हुनेछ भने बैशाखको अन्तिम साता प्रर्दशन हुनेछ ।
