काठमाडौं असोज ६ ।
एएफसी यू १६ छनोट चरणको दोस्रो खेलमा नेपालले भारतसँग अंक बाडेको छ ।
काठमाण्डौमा आज सम्पन्न खेलमा नेपालले भारतसँग बराबरी खेल्दै अंक बाडेको हो । नेपालले यो खेलबाट १ अंक जोड्न सफल भएको छ ।
पहिलो हाफ गोलरहित बराबरीमा सकिएको भएपनि दोस्रो हाफमा दुबै टिमले दुई दुई गोल गर्न सफल भए ।
नेपालका लागी ब्रिजेश चौधरीले ७६ र ८८ औ मिनेटमा
दुई गोल गरेका थिए । भारतका लागी भने हरप्रितले गोल गर्न सफल भए ।
यो खेलसँगै प्रतियोगिताको अघिल्लो चरण प्रवेशका लागि नेपालले सम्भावना जीवित राखेको छ । नेपाल भने आजको खेलबाट १ अंक जोड्दै तेस्रो स्थानमा रहेको छ ।
भारतले आजको खेलबाट १ अंक थप्दै चार अंक बनाएको छ ।
आजै भएको पहिलो खेलमा प्यालेस्टाइनलाई पाराजित गर्दै ईराक विजयी भएको थियो । आईतवारको पहिलो खेलमा भारत र ईराकबीच प्रतिस्पर्धा हुनेछ ।
अब नेपालले पर्सि आईतवार प्यालेष्टाईनसँग प्रतिस्पर्धा गर्ने छ । प्यालेष्टाइन भने प्रतियोगिताबाट बाहिरिसकेको छ ।
प्रतियोगितामा एसियाका ४५ राष्टले विभिन्न १० समूहमा रहदै प्रतिस्पर्धा गरिरहेका छन् । प्रत्येक समूहका शीर्ष टोली र उत्कृष्ट पाँच उपविजेताले आयोजक मलेसिया सँगै सन् २०१८ को सेप्टेम्बरमा हुने अन्तिम चरणमा प्रतिस्पर्धा गर्ने छन् ।
