काठमाडौ ,६ असोज ।
तेस्रो चरण अन्तरगत प्रदेश नम्बर दुईमा गत सोमबार भएको स्थानीय तह निर्वाचनको मतपरिणाम सार्वजनिक हुने क्रम जारी छ । निर्वाचन भएका १ सय ३६ स्थानीय तहमध्ये हालसम्म ७४ स्थानको मतपरिणाम सार्वजनिक भएको छ ।
पछिल्लो मतपरिणाम अनुसार २६ स्थानमा जीत हासिल गरेको नेपाली कांग्रेस शिर्ष स्थानमा छ । नेकपा माओवादी केन्द्र १४ स्थानमा विजयी हुँदै दोस्रो स्थानमा छ भने संघिय समाजवादी फोरमले १२ स्थानमा जित निकालेको छ ।
यस्तै राष्ट्रिय जनता पार्टीले ११ स्थानीय तह जितेको छ । नेकपा एमाले ८ स्थानमा विजयी भएको छ ।
२ स्थानको प्रमुख पद फोरम लोकतान्त्रिकले जितेको छ । एक स्थानको प्रमुख पदमा नेपाली जनता दल विजयी भएको छ । निर्वाचन भएका मध्ये ६२ स्थानको मतपरिणाम सार्वजनिक हुन बाँकी छ ।
मतगणना जारी रहेका मध्य १३ स्थानमा कांग्रेसको अग्रता छ भने एमाले १३ ,माओवादी केन्द्र १२ र संघिय समाजवादि फोरम १४ स्थानमा अगाडि छन् ।
७ स्थानमा राष्ट्रिय जनता पार्टीले अग्रता लिएको छ । नेपाल लोकतान्त्रिक फोरम १ स्थानमा अघि छ ।
प्रदेश नम्बर दुईको एकमात्र महानगर विरगन्ज महानगरपालिकामा नेपाली कांग्रेसको अग्रता कायम छ । कांग्रेसका अजय द्धिवेदी ४९४९ मतसहित शिर्ष स्थानमा हुनुहुन्छ भने उहाँलाई संघिय समाजवादी फोरमका विजयीकुमार सरावगीले ४३४४ मतले पछ्याईरहनुभएको छ ।
यस्तै राजपाका उमेदवार राजेशमान सिंहले ४३०१ मत ल्याउनु भएको छ । नेकपा माओवादी केन्द्रका रहबर अन्सारीले २४४९ मत प्राप्त गर्नु भएको छ भने नेकपा एमालेका बशरुद्धिन अनसारीले १९८१ मत पाउनु भएको छ ।
तीन वटा उपमहानगरमध्ये बाराको कलैया उप महानगरपालिकामा र जीतपुर सिमरा उपमहानगरपालिकामा नेकपा एमालेको अग्रता छ भने धनुषाको जनकपुर उपमहानगरपालिकामा राजपाको अग्रता छ ।
अहिलेसम्म प्राप्त मतपरिणाम यस्तो छ–
कांग्रेसले जितेका स्थानीय तह
१. सिरहाको नवराजपुर गाउँपालिकामा विश्वमोहन यादव अध्यक्ष र उपप्रमुखमा शोभाकुमारी यादव विजयी ।
२. धनुषाको औरहीमा प्रमुखमा कांग्रेस ब्रम्हदेव यादव र उपप्रमुखमा मिरा सहनी विजयी ।
३. सर्लाहीको धनकौल गाउँपालिका अध्यक्षमा रामआश्रय साह र उपाध्यफमा अकली सहनी विजयी ।
४. धनुषाको जनकनन्दिनीमा कांग्रेसका मोहम्मद वारिक शेष प्रमुख र उपप्रमुखमा कांग्रेसकै भारती कार्की विजयी ।
५. सप्तरीको विष्णुपुरमा कांग्रेसका मेयर लिलाम्बर यादव र उपमेयरमा कांग्रेसकै जन्जीरादेवी यादव विजयी ।
६. सप्तरीको बेल्ही चपेना गाउँपालिकाको प्रमुखमा परमानन्द यादव र उपप्रमुखमा पुष्पमाला कुमारी मण्डल विजयी ।
७. रौतहटको परोहामा शेख वकिल प्रमुख र सुगान्ध देवी उपप्रमुखमा विजयी ।
८. बाराको करैयामाईको प्रमुखमा कांग्रेसका भुनेश्वर धामी र उपप्रमुखमा चित्ररेखाकुमारी चौधरी निर्वाचित
९. सर्लाहीको रामनगर गाउँपालिका प्रमुखमा कांग्रेसका कृष्णप्रसाद बर्मा र उपप्रमुखमा नितुदेवी यादव विजयी ।
१०. धनुषाको धनौजी गाउँपालिकाको अध्यक्षमा कांग्रेसका बद्रीनारायण सिंह र उपप्रमुखमा रामवती देवी मण्डल विजयी ।
११. धनुषाको क्षिरेश्वरनाथ नगरपालिकाको प्रमुखमा योगेन्द्र पंजियार र उपप्रमुखमा रचना श्रेष्ठ बिजयी ।
१२. सर्लाहीको हरिपूर्वाको प्रमुखमा सियाराम राय र उपप्रमुखमा चन्द्रकला देवी सुडी निर्वाचित ।
१३. पर्साको पर्सागढी नगरपालिकामा मेयर उम्मेदवार लोकनारायण यादव र उपमेयर अर्चना चौधरी विजयी ।
१४. महोत्तरीको बलवामा प्रमुख विनोद यादव विजयी ।
१५. महोत्तरीको लोहरपट्टीमा प्रमुख शैलेन्द्र यादव, उपमा सरिता शर्मा विजयी ।
१६. महोत्तरीको औरहीमा प्रमुखमा सुनिलकुमारी यादव विजयी ।
१७. बाराको निजगढमा मेयर सुरेश खनाल विजयी । उपमेयर भने एमालेबाट निर्वाचित ।
१८ सिरहाको कल्याणपुर नगरपालिकामा सूर्यनाथ मण्डल मेयर र रोहिणीकुमारी यादव उपमेयर निर्वाचित ।
१९ सर्लाहीको बसबरियामा प्रमुखमा रामअयोध्या यादव र उपप्रमुखमा राजपाका रिनाकुमारी यादव विजयी ।
२०. रौतहटको फतुवा विजयपुर गोपाल राय यादव विजयी ।
२१. रौतहटको राजदेवी नपा मेयरमा धिरेन्द्रकुमार सिंह विजयी ।
२२. धनुषाधाम नपाको मेयरमा बालेश्वर मण्डल र उपमा विद्यादेवी भूजेल निर्वाचित ।
२३. सप्तरीको अग्नीसाइर कृष्णासवरन प्रमुखमा परशुराम चौधरी र उपप्रमुखमा मिना चौधरी विजयी ।
२४. बाराको सिम्रौनगढ नगरपालिकाको मेयरमा वीजयशंकर यादव
२५. रौतहटको चन्द्रपुर नगरपालिका मेयरमा रामचन्द्र चौधरी ।
२६. रौतहटको गढीमाई प्रमुखमा श्याम यादव र उपप्रमुखमा शुभद्रा गुप्ता निर्वाचित ।
संघीय समाजवादी फोरम, नेपालले जितेका स्थानीय तह
१. सिरहाको विष्णुपुर गाउँपालिकामा संघीय समाजवादी फोरमका जागेश्वर यादव विजयी ।
२ सिरहाको भगवानपुर गाउँपालिकामा बेचनप्रसाद यादव प्रमुख र सीतादेवी यादव उपप्रमुखमा विजयी ।
३. सर्लाहीको पर्सा गाउँपालिका प्रमुखमा संघीय फोरमका किसुनदेव राय र उपप्रमुखमा इन्द्रकलादेवी निर्वाचित ।
४. बाराको पपचरौता नगरपालिकाको मेयरमा संघीय समाजवादी फोरमको रमेशकुमार यादव र उपमेयरमा राजपाका इन्दुकुमारी विजयी ।
५ सप्तरीको तिरहुत गाउँपालिकाको अध्यक्षमा संघीय समाजवादी फोरम नेपालका हेमन्तकुमार(मनोज) बहरखेर विजयी भए । उपाध्यक्षमा संघीय समाजवादी फोरम नेपालकै तिर्थमाया मण्डल।
६ बिन्दवासिनी गाउँपालिकामा संघीय समाजवादी फोरमबाट अध्यफमा श्रीलाल साह कानु विजयी ।
७ धनुषाको गणेशमान चारनाथ नगरपालिकामा संघीय समाजवादी फोरम नेपाल प्रमुखमा र उपप्रमुखमा माओवादी केन्द्र विजयी भएको छ ।
८.बाराको फेटा गाउँपालिका प्रमुखमा संघीय फोरमका अमिरीलाल प्रसाद र उपप्रमुखमा कमरुल खातुन विजयी ।
९. महोत्तरीको सोनमा गापा अध्यक्षमा राजकुमार यादव र उपाध्यक्षमा विभादेवी विजयी ।
१०. रौतहटको देवाही गोनाही नपा प्रमुख धर्मेन्द्रप्रसाद पटेल विजयी ।
११. धनुषाको लक्ष्मनिया गाउँपालिकाकाे अध्यक्षमा विन्देश्वर यादव र उपाध्यक्षमा इन्द्रकला यादव विजयी ।
१२. रौतहटको बौधीमाई नगरपालिका प्रमुखमा राजु यादव / उपप्रमुखमा प्रेमलता कुसहवा विजयी ।
राजपाले जितेका स्थानीय तह
१. धनुषाको हंसपुरमा राजपाका रामज्ञान मण्डल मेयर र रेणु झा उपमेयर विजयी
२. बाराको देवतालका प्रमुखमा राजपाका चन्दन सिंह र उपप्रमुखमा रामपतिदेवी महतो निर्वाचित ।
३. सर्लाहीको कौडेना गाउँपालिकाको अध्यक्षमा राजपाका रामप्रसाद राय यादव र उपप्रमुखमा सुनितादेवी विजयी ।
४. महोत्तरीको महोत्तरी गाउँपालिका अध्यक्षमा राजपाका सुनिला यादव र उपाध्यक्षमा सीतादेवी साह विजयी ।
५. सप्तरीको डाक्नेश्वरी नगरपालिकाको प्रमुखमा राजपाका शिवनारायण साह र उपप्रमुखमा इन्दुदेवी चौधरी निर्वाचित ।
६. सर्लाहीको ब्रम्हपुरी गापा अध्यक्षमा राजपाका विनोदकुमार साह र उपाध्यक्षमा गीतादेवीको जित ।
७. सप्तरीको रुपनी गाउँपालिकाको अध्यक्षमा राजपा नेपालका हरेराम यादव र उपाध्यक्षमा बेचनीदेवी सरदार विजयी ।
८. महोत्तरीको मटिहानीमा राजपाका हरिप्रसाद मण्डल निर्वाचित । उपमेयर पनि राजपाकै ।
९. बाराको परवानीपुर गाउँपालिका अध्यक्षमा हरिनारायणप्रसाद साह, उपाध्यक्षमा सावित्री देवी निर्वाचित ।
१०. सर्लाहीको बलरा नगरपालिकामा मेयरमा अभयकुमार सिंह र उपमेयरमा रामसखी देवी विजयी ।
११. रौतहटको गौर नगरपालिका प्रमुखमा राजपाका अजय गुप्ता / उपप्रमुखमा किरण ठाकुर निर्वाचित ।
माओवादी केन्द्रले जितेका स्थानीय तह
१. सिरहाको कर्जन्हामा माओवादीका गंगा पासवान मेयर र उपमेयरमा ज्ञानकुमारी श्रेष्ठ विजयी ।
२. सिरहाको अर्नमामा माओवादीका विजयी ठकु महतो कोइरी र उपप्रमुखमा माओवादीकै सीयावती मुखिया विजयी ।
३. पर्साको ठोरी गाउँपालिकामामा माओवादीका पदमलाल श्रेष्ठ अध्यक्ष र शान्तिमाया थिङ उपाध्यक्ष निर्वाचित ।
४. रौतहटको मौलापुर नगरपालिका मेयरमा माओवादी केन्द्रका रीनाकुमारी साह र उपमेयरमा गौरीशंकरप्रसाद विजयी ।
५. सिरहाको औरहीमा माओवादी केन्द्र सिदार्थ यादव र देवझरी देवी यादव विजयी ।
६. महोत्तरीको गौशालामा माओवादी केन्द्र विजयी भएको छ ।
७. महोत्तरीको सम्सीमा प्रमुख माओवादी विजयी ।
८ सिरहाको धनगढीमाईमा माओवादी विजयी ।
९ सिरहाको मिर्चैया नगरपालिकामा मेयरमा श्रवणकुमार यादव र उपमेयरमा जिवछी देवी विजयी ।
१०. धनुषाको सहिदनगर नपाको मेयरमा उदयकुमार बरबरिया यादव र उपमा शिलादेवी कापर ।
११. पर्साको छिपरहरमाई गापा अध्यक्षमा मनोजकुमार मोदिना विजयी ।
१२. महोत्तरीको रामगोपालपुरको प्रमुखमा अशोक मण्डल र उपप्रमुखमा सीतादेवी साह विजयी ।
१३. रौतहटको यमुनामाइको प्रमुखमा श्रीप्रसाद मुखीया बीन र उपमा गीतादेवी साह निर्वाचित ।
१४. वाग्मती नगरपालिकामा मेयरमा भरतकुमार थापा र उपमेयरमा लीलाकुमारी मोक्तान जितेकी छन् ।
एमालेले जितेका स्थानीय तह
१ धनुषाको बटेश्वरमा एमालेका डम्बरबहादुर राउत र उपप्रमुखमा इन्दिरा सिंह विजयी ।
२ सप्तरीको सप्तकोशी नगरपालिकाको प्रमुखमा एमालेका उत्तम गौतम र उपप्रमुखमा एमालेकै आशा चौधरी विजयी
३ पर्साको पटेर्वा सुगौलीमा एमालेका हरिनारायण चौधरी विजयी ।
४ धनुषाको मुखियापट्टिमा एमालेका मनोजकुमार यादव विजयी ।
५. सिरहाको नरहा गाउँपालिकाको अध्यक्षमा एमालेका रामशरण यादव र उपाध्यक्षमा एमालेकै गुलावदेवी चौधरी निर्वाचित ।
६ धनुषाको मिथिला बिहारीमा एमालेका अनिल यादव प्रमुख र अनिताकुमारी साह उपप्रमुखमा विजयी ।
७ सिरहाको सखुवानान्कारकट्टी गाउँपालिका प्रमुखमा एमालेका केदारनाथ यादव र उपप्रमुखमा एमालेकै अमलादेवी यादव विजयी ।
८. सिरहाको सुखीपुर नगरपालिका मेयरमा रामऔतार यादव र उपमेयरमा रेणुदेवी साह विजयी ।
नेपाल लोकतान्त्रिक फोरमले जितेका स्थानीय तह
१. सर्लाहीको विष्णु गाउँपालिकामा अध्यक्षमा जवाहरलाल यादव विजयी
२. रौतहटको ईशनाथ नगरपालिकाको मेयरमा लोकतान्त्रिक फोरमका सन्तोषकुमार मेहता र उपमेयरमा हुसने आरा निर्वाचित ।
३. बाराको विश्रामपुर गापाको प्रमुखमा अमिरीलाल राउत र उपमा सुमित्रा देवी निर्वाचित ।
नेपाली जनता दलले जितेका स्थानीय तह
१ कालिकामाई गाउँपालिकाको प्रमुखमा नेपाली जनता दलका नथुनीप्रसाद र उपाध्यक्ष पदमा संघीय समाजवादी फोरमका राजेशप्रसाद चौरसिया विजयी ।
