काठमाडौँ । हरेक बर्ष बडा दशैंको अबसर पारेर हुने लिगलिगे दौड यस वर्ष पनि हुने भएको छ ।
गोरखाको लिगलिगको ऐतिहासिक धार्मिक पुरातत्व तथा संस्कृतिको संरक्षण गर्ने भन्दै लिगलिग कोट बिकास अभियानले यसवर्ष पनि बडा दशैंको अबसर पारेर लिगलिगे दौडको आयोजना गर्न लागेको हो ।
आज काठमाडौँमा पत्रकार सम्मेलन गरेर लिगलिग कोट बिकास अभियानले यस वर्षकाे दौड असोज ९ गते हुने जानकारी दिएको छ ।
आजभन्दा करिव ४५५ वर्षअघि लिगलिगमा एक वर्षका लागि नयाँ राजा छानिने परम्परा थियो । दौड सातबजे चेपे र मस्र्याङ्दीको दोभानबाट सुरु गरिने आयोजक लिगलिग बिकास अभियानले जानकारी दिएकाे छ ।
दौड चेपे र मस्र्याङ्दीको दोभानबाट सुरु भई ढिकीडाँडा, ठाँटीपोखरी, पानी ट्याङ्की, छापथोक, बडडाँडा, साउनेपानी, बोहोरागाउँ, सभा चौतारो, मैबल, दर्बेपानी, बिजुलीडाँडा, खोली चौतारोदेखि लिगलिगकोट गडीसम्मको १३ .५ किलोमिटर दुरी पार गर्नुपर्नेछ ।
बिसं १६१६ मा द्रव्य शाह दौडेर राजा भएपछि गोरखा राज्यमा शाहवंशको उदय भएको थियो ।
