काठमाण्डौ ,२० भदौ ।
नेपाल कम्युनिष्ट पार्टीका महासचिव नेत्रविक्रम चन्द विप्लवले जनताको अधिकार माग्दा दमन भए फेरी पनि बदुक उठाउन तयार रहेको चेतावनी दिनुभएको छ ।,
कालिकोटको नरहरीनाथ गाउँपालिका–६ माल्कोटमा पार्टीले आयोजना गरेको जनसभालाई सम्बोधन गर्दै महासचिव विप्लवले देशको स्वाधिनता र जनताको अधिकार माग्दा बन्दुक उठाउनु परे पछि नपर्ने चेतावनी दिनुभयो ।,
उहाँले भन्नुभयो , हामिले युद्ध चाहेका होईनौ तर बाध्य पारिए तयार छौ । गोलिले जनताको अधिकारलाई छिन्न सकिन्छ भनेर कसैले नसोचे हुन्छ । विचारबाट बिद्रोह सुरु भएपछि गोलिले रोक्न सकिदैन ।
उहाले अब फेरी जनताको अधिकारका लागी छातिमा गोलि थाप्न तयार रहेको बताउनुभयो ।
उहाँले २०४७ सालको संबिधानलाई नै अहिले गणतन्त्र थपेर ल्याईएको भन्दै यसलाई खारेज गरेर नयाँ जनताको संबिधान ल्याउनुपर्ने बताउनु भयो ।
नेपाली जनताको टाउकोमाथि , ०४७ ÷ ०५२ सालको संसदिय ब्यावस्था थोपर्नका लागी निर्वाचन गरिएकोले नेकपाले त्यसलाई खारेज गरेको पनि बताउनु भयो ।,
दिल्लीको निर्देशनमा नेपाली राजनितिक दल र तीनका नेता चल्ने गरेको र जनतामाथि दलाल तथा पुरानै पूजीवादि सत्ता लाद्न बिदेशीको ईसारामा चुनाव भएको उहाँको भनाई छ ।
आफुहरुको लडाई नेपालका कुनै राजनितिक दलसँग नभएर प्रतिक्रियाबादी दलालहरुसँग भएको महासचिव विप्लवले स्पष्ठ पार्नुभयो ।
स्थानीय तहको निर्वाच खारेजी अभियानमा दुई जना आफ्ना कार्यकर्ताले सहादत प्राप्त गरेको जानकारी दिदै प्रचण्ड नेतृत्वको सरकारले जनताको छातिमा गोलि ठोकेर चरित्र उदाङगो पारेको बताउनु भयो ।
माल्कोटबाट नै उहाँले बैज्ञानिक समाजवाद स्थापनाका लागी हिजो जनयुद्ध लडेका सबै नेताहरुलाई एकतामा आउन पनि अपिल गर्नुभयो ।
