काठमाण्डौ , १७ भदौ ।
उपप्रधान एवं संघीय मामिला तथा स्थानीय विकास मन्त्री बिजयकुमार गच्छदारले दलहरुसँग कुनै छलफल नै नगरी अवैज्ञानिक तरिकाले निर्वाचन क्षेत्र निर्धारण गरिएको आरोप लगाउनु भएको छ ।
सप्तरीको राजविराजमा आयोजित पत्रकार सम्मेलनमा गच्छदारले निर्वाचन क्षेत्र निर्धारण आयोगले गरेको क्षेत्र निर्धारणप्रति आपत्ति जनाउनुभयो ।
यसले पछि समस्या निम्त्याउने चेतावनी दिदँै उहाँले भन्नुभयो, ‘क्षेत्र निर्धारण गर्दा अन्याय भएको छ । यसले ठूलै समस्या निम्त्याउँछ ।
अर्को फरक प्रसङ्गमा नेपाल लोकतान्त्रि फोरमका अध्यक्ष समेत रहुनभएका गच्छदारले निर्वाचन आयोगले आचार संहिताको नाममा सरकारको हातखुटा बाँधेको आरोप लगाउनु भएको छ ।
उहाँले ३ महिनापछि हुने निर्वाचनका लागि अहिले नै आचार संहिता लगाउनु जायज नभएको भन्दै यसले दैनिक कामकाज प्रभावित भएको बताउनुभयो । आयोगको काम सच्याउन उहाँले आग्रह गर्नुभयो ।
