चितवन, भदौ १६ । नेकपा एमालेका वरिष्ठ नेता माधवकुमार नेपालले भ्रष्टाचारीलाई निर्वाचनमा उम्मेदवार बन्न दिनुपर्ने काग्रेसको प्रस्ताव लज्जास्पद भएको बताउनु भएको छ ।
प्रेस चौतारी नेपाल चितवनले आज भरतपुरमा गरेको पत्रकार सम्मेलनमा बोल्दै नेता नेपालले यस्तो प्रस्ताव लिएर संशोधन दर्ता गराएर दुनियाँलाई लज्जित बनाउने काम गरेको भन्दै कांग्रेसको साखलाई समेत गिराएके बताउनु भयो ।
सत्तामा बसेर कांग्रेसले जनविरोधी काम गर्दै गएकोले एकदिन उसको हैसियत प्रजापरिषदको जस्तै हुने नेता नेपालले दावी छ ।
प्रधानमन्त्री शेरबहादुर देउवाको भारत भ्रमणको प्रसङ्ग कोट्याउँदै उहाँले भन्नुभयो , ‘प्रधानमन्त्री भारत भ्रमणमा त जानु भयो, तर लम्पसार परेर आउनुभयो, ।
देउवाले नेपालको आन्तरिक विषय, सार्वभौम संसदको अधिकारको बिषयमा भारतलाई समेत हकदार बनाउने प्रयास गरेको उहाँको भनाई छ ।
