११ भदौ,काठमाडौं । साफ यू–१५ च्याम्पियन प्रतियोगितामा नेपाल पराजित भएको छ । आइतबार सम्पन्न खेलमा नेपाल भारतसँग २–१ गोल अन्तरले पराजित भएको हो ।
पहिलो हाफमा पेनाल्टीमार्फत १ गोलले अग्रता लिएको नेपालले दोस्रो हाफमा भारतले शुरुमै दुई गरेपछि नेपालले फर्काउन सकेन । अन्ततः नेपाल, यू–१५ साफ च्याम्पियनसिपको उपबिजेतामा सीमित हुन पुग्यो छ ।
खेल सातदोवाटोस्थित एन्फा कम्प्लेक्सको मैदानमा भएको थियो । भारतीय डिफेण्डरले रञ्जन पुनलाई डिबक्सभित्र फल गरेपछि रेफ्रीले नेपाललाई पेनाल्टीको अवसर दिएका थिए । स्ट्राइकर ब्रिजेश चौधरीले पेनाल्टीलाई सदुपयोग गर्दै ४१औं मिनेटमा टोलीलाई अग्रता दिलाएका थिए ।
भारत खेलको ५९औं र ७५औं मिनेटमा नेपाललाई गोल फर्काउन सफल भयो । नेपालले समूह चरणमा पनि भारतसँग २–१ कै पराजय व्यहोरेको थियो । सेमीफाइनलमा नेपालले बंगलादेशलाई ४–२ र भारतले भुटानलाई ३–० ले हराउँदै उपाधिका लागि खेल तय गरिएको थियो । यसपटक पनि नेपाल उपाधि जित्नबाट चुक्यो ।
