काठमाडौ ,२ भदौ ।
सामाजिक लोकतन्त्रको नारा सहित गठन भएको डा. बाबुराम भट्टराईनेतृत्वको नयाँ शक्ति वर्षदिनको यात्रा पार गर्दा नगर्दै असफल देखिन थालेको छ । संयोजक भट्टराईको वैचारिक तथा राजनीतिक लाईनप्रति असन्तुष्टि जनाउँदै शीर्ष नेताहरु नै बाहिरिन थालेपछि नयाँ शक्तिभित्रको असन्ुतष्टि बाहिर आएको हो ।
विभिन्न राजनीतिक दल र संस्थाबाट नयाँ शक्तिमा आबद्ध आएका नेता फेरि पुरानै शक्तिमा फर्कन थालेका छन् । यही क्रममा गत हप्तामात्र नयाँ शक्तिको संगठन विभाग प्रमुखसमेत रहनुभएका नेता देवेन्द्र पौडेललगायत १५ जना नेताले संयोजक भट्टराईले लिनुभएको लाईनप्रति असन्तुष्टि जनाउँदै पार्टी सुधारका लागि भन्दै १० बुँदे अपिलसमेत जारी गर्नुभयो ।
संगठनले तयार गरेको दस्तावेज र लिएको लाइन अमूर्त भएको आरोप सो समूहको रहेको छ । त्यसैले संगठनमा नयाँ बहस सुरु गर्न अपिल जारी गरेको बताइएको छ । उहाँहरुको जननिर्वाचन कार्यकारी राष्ट्रपतीय शासन व्यवस्था, पूर्ण समानुपातिक निर्वाचन प्रणालीलगायतका विषयमा मुद्दा मिल्नेसँग पार्टी एकता गर्नुपर्ने धारणसहित स्पष्टिकरण बुझाउनुभएको हो । आजको विमर्श साप्ताहिकमा समाचार छ ।
