काठमाण्डौ , ३२ साउन ।
माओवादी केन्द्रका अध्यक्ष पुष्पकमल दाहालले बाढीपहिरोको विपत्तीपछि राहत वितरणसंगै पुर्नस्थापनाको तयारी पनि सुरु गर्नुपर्नेमा जोड दिनुभएको छ ।
सप्तरीको हनुमाननगर कंकालिनी नगरपालिका ११ इनरुवाको मुसहर बस्ती पग्नुभएको अध्यक्ष दाहालले पीडितको पुनस्र्थापनाका लागि सरकारले तत्काल ठोस पहल गर्नुपर्ने बताउनुभएको हो ।
बाढीपीडितलाई आज राहत वितरण गर्न गृहमन्त्री जर्नादन शर्मा र आपुर्तिमन्त्री शिबकुमार मण्डल सहित जानुभएक दाहालले विपदको धैर्यतापुर्वक सामाना गर्नुपर्ने बताउनु भयो ।
उहाँले भन्नुभयो सबै नेपाली मिलेर यो विपदको सामना गर्नुपर्छ, पहाडमा भूकम्प जाँदा तराईका जनताले निक्कै ठुलो हृदयले सहयोग गरेजस्तै अहिले तराईमा विपद पर्दा पहाडका जनताले पनि सहयोग गर्न पछि परेका छैनन् , यसरी एक अर्काको सहयोगवाटै नेपाल बनेको हो ।
सुनसरीको ईनरुवामा सञ्चारकर्मीसंग कुरा गर्दै गृहमन्त्री जर्नादन शर्माले बाढी प्रभावितको लागि खाद्यान्न लगायत राहत सामग्रीको अभाव नरहेको बताउनुभयो ।
उहाँले भन्नुभयो, बाढीपीडितलाई बितरण गर्न खाद्य सामग्रीको अभाव छैन्, तर बितरण प्रक्रिया व्यवस्थित गर्न आवश्यक छ, चारैतिर डुवान रहेका कारण पनि वाटोको समस्याले राहत वितरण व्यवस्थित गर्न समस्या भएको हो ।
गृहमन्त्री शर्माले भारतीय बाँधका कारण नेपाली भूभाग डुवानमा पर्ने गरेको बिषयमा कुटनितिक स्तरमा छलफल भईरहेको जानकारी दिनुभयो ।
यस्तै आपुर्तिमन्त्री शिबकुमार मण्डलले तत्कालका लागि बाढीपीडितलाई बितरण गर्न राहत सामग्रीको अभाव नरहेको र कही कतै अभाव भएको भए तत्काल उपलब्ध गराइहाल्ने बताउनुभयो । अध्यक्ष दाहालसहितको टोलीले इनरुवाका ७० परिवार मुसहरलाई चामल, चाउचाउ, नुन र पानी बितरण गरेको थियो ।
