२१ साउन ,चितवन । भरतपुर महानगरपालिकाको मेयरमा काँग्रेस-माओवादी केन्द्रकी उम्मेदवार रेणु दाहालको जित सुनिश्चित भएको छ ।
वडा नम्बर २० को मतगणना जारी छ । अाधा मत गन्न बाँकी रहँदा रेणुले अग्रता लिएकी छन् ।२१ सय मत गन्छ रेणु १ सय ५० मतले अगाडि छिन् । अब मात्रै १२ सय मत गणना गर्न बाकीँ छ । अब ज्ञवालीले अग्रता लिने सम्भावना छैन् ।
यसैबीच भरतपुर महानगरपालिकामा रेणुको अग्रता बढ्दै गएपछिबधाई दिन सुरु गरेका छन् ।
नजिकबाट प्रतिस्पर्धा भइरहँदा रेणुलाई बधाई दिनेको ओहिरो लागेको छ । मतगणनास्थल बाहिर रहेका माओवादी केन्द्रका एक जिल्ला नेताका अनुसार रेणुका शुभचिन्तक, आफन्त र पार्टीका नेता कार्यकर्ताहरुले बधाई दिन फोन गरेर बधाइ दिइरहेका छन् ।
मतान्तर ह्वात्तै घटेसँगै रेणुका बुबा तथा माओवादी केन्द्रका अध्यक्ष प्रचण्डले फोन गरेर बधाई दिएका छन् । ‘रेणु दिदीलाई अध्यक्ष कमरेडले फोन गरेरै बधाई दिनु भएको छ’ एक नेताले भने ।
एमालेका देवी ज्ञवालीको हार निश्चित देखेपछि एमाले नेता कार्यकर्ताहरुभने मतगणनास्थल छाडेर हिड्न थालेका छन् ।
