साउन १८ काठमाण्डौं । नेपाली राष्ट्रिय फुटबल टिमका प्रशिक्षक ग्योतोकु कोजीले मंगलबार जापान भ्रमण जाने टिमको नाम घोषणा गरेका छन्। टिम २४ सदस्यीय रहेको छ। यसका अधिकांस सदस्य यमनविरुद्ध एसिया कप छनोट खेल्ने खेलाडी छन्। एसिया कप छनोटमै ताजकिस्तानविरुद्ध हुने खेलको तयारीका रूपमा टिम जापान जान लागेको हो।
नेपालले जापानमा ५ खेल खेल्नेछ। पहिलो खेल अगस्ट १३ मा गाम्बा ओसाका यू–२३ टिमविरुद्ध छ। भ्रमण १० दिनको हुनेछ। घोषित टिम सदस्यमा विकेश कुथु, विशाल श्रेष्ठ, एलन न्यौपाने, विराज महर्जन, अनन्त तामाङ, विमल बस्नेत, देवेन्द्र तामाङ, जितेन्द्र कार्की, कमल श्रेष्ठ, राजेन्द्र रावल, दिनेश राजवंशी र मानबहादुर तामाङ छन्।
त्यस्तै विक्रम लामा, हेमन गुरुङ, विशाल राई, सुजल श्रेष्ठ, अन्जन विष्ट, हेमन्त थापामगर, सुनील बल, अनिल गुरुङ, भरत खवास, विमल घर्तीमगर र सुमन लामा पनि टोलीमा छन्। टिम व्यवस्थापकमा विराटजंग शाही र प्रशिक्षकमा राजुकाजी शाक्य छन्।
