काठमाडौ, १३ साउन ।
स्थानीय तह निर्वाचनको समीक्षा तथा पार्टीको भावी रणनिति सम्बन्धमा छलफल गर्न केही दिन यता राजधानीमा जारी नयाँशक्ति पार्टीको संघिय परिषद बैठक आज सकिदैछ ।
यसअघि हिजोसम्म जिल्लागत प्रतिनिधिले बोल्ने क्रम सकिएको छ । प्रतिनिधिले उठाएका प्रश्नको पार्टी संयोजक बाबुराम भट्टराईले आज जवाफ दिने बताइएको छ ।
परिषद बैठकमा बोल्ने अधिकांस प्रतिनिधिले माओवादी केन्द्र लगायतका दलसंग एकता गर्न नहुने धारणा राखेका छन् । तीन दिन यता जारी बैठकले पार्टीको भावी रणनीति तय गर्ने सो पार्टीले जनाएको छ ।
बैठकमा धारणा राख्दै जिल्लाका अगुवा प्रतिनिधिले तत्काल ठुलो पार्टी बनाउन भन्दा पनि संगठन निर्माणमा ध्यान केन्द्रीत गर्न नेतृत्वलाई सुझाव दिएका छन् । ।
माओवादी केन्द्र लगायतका दलसंग सहकार्य गर्नुपर्ने भनी धारणा राख्ने केहि नेताको तीब्र आलोचना गर्दै प्रतिनिधिले खुट्टा कमाउने नेतालाइ पार्टी छाड्न आग्रह समेत गरेका छन् ।
परम्परागत दलसंग एकता गर्न नहुने भन्दै अधिकांश प्रतिनिधिले ५ स को सिद्घान्त र बाबुराम भट्टराईको नेतृत्व मान्ने अबस्थामा मात्र संघीय समाजवादी फोरम लगायतका साना दलसंग एकता अघि बढाउनुपर्ने सुझाव दिएको एक नेताले बताए ।
