काठमाडौं, साउन ११ ।
अखिल नेपाल फुटबल संघ एन्फाको कार्यसमिति वैठक आज बस्दैछ । आजको बैठकमा तीन महिना पछि हुन लागेको एन्फाको निर्वाचन, ए डिभिजन लिग संचालन लगायतका विषयमा छलफल गर्ने बताईएको छ ।
तर यी विषयमा भन्दापनि आजको वैठकमा ललितपुरको थ्रि स्टार क्लवलाई दिने क्षतीपुर्तीको विषयमा बढी केन्द्रित हुने एन्फाले जनाएको छ ।
एन्फाको गल्तीको कारण एसिया कप फुटबलको दोस्रो चरण खेल्न नपाएपछि थ्रि स्टार क्लव अहिले आन्दोलित छ । थ्रि स्टारलाई डेढ करोड क्षतिपुर्ति दिएर फुटबलमा फर्काउने प्रयास एन्फाले गरेको छ ।
तर आसन्न साधारणसभामा यो विषय उठ्न सक्ने भन्दै सहज निर्णय गर्न भने एन्फा नेतृत्व तयार भएका छैनन् । एउटा पक्षले क्षतिपुर्ति दिने विषयमा निर्णय गरे अर्को पक्षले साधारणसभामा यही विषयलाई चुनावी नारा बनाउने निश्चित प्रायः छ ।
उता थ्रि स्टार क्लव भने आफुलाई क्षत्ीपुर्ति नदिएसम्म कुनैपनि प्रतियोगिता नखेल्ने र आवश्यक परे कानुनी ढोका समेत ढक्ढक्याउने चेतावनी दिईरहेको छ ।
