काठमाडौं ,९ साउन ।
नयाँ शक्ति नेपालले आजबाट स्थानीय तह निर्वाचनको समिक्षा सहित पार्टी पुनर्गठनबारे छलफल थालेको छ ।
राजधानीको बबरमहलस्थित पार्टी कार्यालयमा जारी बैठकमा एक बर्षको अवधिमा पार्टीको भुमिकाबारे समिक्षा तथा छलफल भईरहेको रहेको प्रवक्ता खिमलाल देवकोटाले जानकारी दिनुभयो ।
भोलीसम्म चल्ने बैठकमा पार्टीको एक बर्षको समिक्षा र भावी योजना समेटिएको राजनीतिक प्रतिवेदनमाथि छलफल हुनेछ । उक्त प्रतिवेदनलाई आगामी बुधबार र बिहिबार बस्ने संघीय परिषद्को बैठकमा प्रस्तुत हुरी अन्तिम रुप दिईने सो पार्टीले जनाएको छ ।
यस्तै बैठकमा स्थानीय तह निर्वाचनमा भोग्नुपरेको पराजय, संघीय समाजबादी फोरमसंग हुने भनिएको एकता लगायतका बिषयमा पनि छलफल हुने प्रवक्ता देवकोटाले बताउनुभयो ।
नयाँ शक्तिले संघीय परिषद विघटन गर्दै तल्लो तहबाटै पार्टी पुनर्गठनको तयारी गरेको छ । फोरमसंगको एकता प्रक्रिया भने पछिल्लो पटक अन्यौलमा परेको छ । नेतृत्वका बिषयमा कुरा नमिलेपछि एकता हुनेरनहुने अझै टुङ्गो लाग्न नसकेको नेताहरुले बताएका छन् ।
