काठमाण्डौ ,६ साउन ।
जतिसुकै उमेर बढ्दै गएपनि बालापन सबैको प्रिय हुन्छ । चाहे त्यो सुखद् होस् या दुखद । त्यसमा पनि दाजु बहिनिबीचको प्रेम , झगडा अनी एक अर्कालाई सताउने र फकाउने यी यस्ता कार्य झनै सम्झन लायक हुन्छ् ।
अझ बिबाह पश्चात पराई घर गएकी चेलीका लागी त यी घटनाहरु सधै आखाँ अगाडि नै बसिरहन्छ र बिशेष चाडबाडमा झन बढी सम्झनामा आउछन् ।यस्तै झल्को मेटाउने गित अहिले बजारमा आएको छ ।
हिन्दु महिलाहरुको बिशेष चाड हरितालिका तीजको अवसरमा गायीका एलिन खनालले “ दाजु बहिनी ” बोलको मन छुने गित ल्याएकी छिन् । सर्जक कर्न सन्ज्यालको लय ÷ शब्दमा रहेको गितमा गायीका एलिना खनाल र गायक जय देवकोटाले स्वर दिएका छन् ।
गितमा बिहेपछि आफ्नो माईतिघर , दाजुसँग बिताएका बालापन ,आमा बाबु लगायतलाई मार्मिक र रमाईलो रुपमा समेटिएको छ ।
बजारमा सार्वजनिक भईसकेको उक्त गितको भिडियोको छायाङकन हरिनारायण चौधरीले गरेका छन् भने प्रविण रेश्मी मगरको सम्पादन तथा रविन थापाको निर्देशन रहेको छ ।
भिडियोमा बिकिता घताने र नरेशवीर सिंहको लगायतका कलाकारको नृत्य अभिनय रहेको छ । उक्त गित एलिना खनालको प्रस्तुतिमा रमसर मिडियाले बजारमा ल्याएको हो ।
