काठमाडौं, साउन ३।
सिंगापूरमा जारी आइसिसी अन्डर १९ विश्वकप क्रिकेट अन्तरगत एसिया छनोटको दोस्रो खेलमा नेपालले मलेसियालाई ५ विकेटले पराजित गरेको छ ।
मलेसियाले प्रस्तुत गरेको ५९ रनको समान्य चुनौती नेपालले नेपालले ९ दशमलव ५ ओभरमा ५ विकेट गुमाएर पूरा गर्यो ।
नेपालका लागि आशिफ शेखले २३ रनको योगदानी दिए भने प्रनित थापा मगरले नटआउन १८ रन बनाउँदा रोहित कुमार पौडेल ४ रनमा अविजित रहे ।
बलिङमा उत्कृष्ट प्रदर्शन गरेको नेपाली टोली ब्याटिङमा भने कमजोर देखियो । ओपनर अन्दिप सुनार ६, आदिल खान ५ र दिपेन्द्र सिंह ऐरी ४ रनमा आउट भए ।
सिंगापूर क्रिकेट मैदानमा यसअघि टस जितेर नेपालले फिल्डिङ रोजपछि ब्याट्रिङमा उत्रेको मलेसिया २५ दशमलव ५ ओभरमा ५८ रन बनाउँदा अल आएट भयो ।
मलेसियाको विकेट धराशायी बनाउने क्रममा कप्तान सन्दिप लामिछानेले ५ विकेट लिए । यस्तै पवन सर्राफले ३ तथा किशोर महतोले एक विकेट लिए ।
यसअघि हिजो भएको पहिलो खेलमा नेपालले आयोजक सिंगापुरलाई ४ विकेटले पराजित गरेको थियो । ७४ रनको लक्ष्य नेपालले १७ ओभर ३ बलमा ६ विकेट गुमाएर पूरा गरेको थियो ।
