काठमाण्डौं ,साउन २ । आईसीसी अण्डर १९ एशिया कप क्रिकेटको छनौट प्रतियोगीतामा नेपालले आयोजक सिंहापुरलाई ४ विकेटले पराजीत गरेको छ ।
सिंहापुरले दिएको ७४ रनको लक्ष्य नेपालले १७.३ ओभरमा ६ विकेट गुमाएर पुरा गर्यो ।
टस जीतेर फिल्डिग गरेको नेपालले सिंगापुरलाई २९ ओभरमा ७३ रनमा अलआउट गरेको थियो । नेपालका लागि कप्तान सन्दीप लामीछाने एक्लैले पाच विकेट लिए । ८ ओभरमा २१ रन दिएर उनले पाच विकेट झारे पछि सिंहापुर संकटमा परेको थियो ।
त्यसै गरी साहब आलमले ३ तथा किशोर महतोले २ विकेट लिए ।
त्यस पछि जवाफी व्याटीङमा उत्रिएको नेपाल शुरुमा संकटमा परेको थियो । पहिलो १० रन भित्र २ विकेट गुमेको थियो । ओपनर सन्दीप सुनार १ तथा आरीफ सैख ४ रनमा आउट भए पछि दवाव आएको नेपालको पारी प्रनित थापा मगरले उकासेका थिए । उनले २३ रन जोडे ।
त्यस पछि आलम शाहले १९ रन जोडे पछि नेपालले जीतको ढोका खोलेको थियो । दिपेन्द्र सिंह ऐरी २ रनमा आउट भए ।
प्रकाश केशीले ६ रन जोडे भने रोहित कुमार पौडेलले नटआउट ११ रन बनाए ।
सिंहापुरका लागि व्रिगु आयरले ४२ र सियन अग्रवालले ११ रन बनाउनु बाहेक अन्य ब्याट्सम्यानले दोहोरो अंक जोड्न सकेनन् ।
