फिल्ममा विविध भूमिकामा प्रस्तुत हुनका लागि बलिउडका केही पुरुष, जो फिल्मभित्र महिलाका रूपमा प्रस्तुत भएका छन्, त्यसबारे भारतीय अनलाइनले तयार पारेको रिपोेर्ट :
अमिताभ बच्चन
बिग बी अमिताभ बच्चन पनि महिला बने । उनी सन् १९८१ मा प्रदर्शन भएको ‘लावारिस’ फिल्मको एउटा दृश्यमा महिलाको वेषभूषामा उत्रिएका थिए । प्रकाश मेहराको निर्देशनमा बनेको सो फिल्मको उक्त दृश्य दर्शकले मन पराएका थिए ।
आमिर खान
मिस्टर पर्फेक्ट आमिर खान पनि महिलाका रूपमा प्रस्तुत भएका छन् । उनी सन् १९९५ को ‘बाजी’ फिल्मको केही दृश्यमा महिला बनेर प्रस्तुत भएका हुन् । कथाको मागअनुसार नै आफू महिलाको मेकअप र डे«सअपमा उत्रिएको उनी बताउने गर्छन् । आशुतोष ग्वारिक निर्देशित सो फिल्म सफल भएको थियो ।
सलमान खान
सुपरस्टार सलमान खान पनि महिलाको भेषमा उत्रिएका छन् । उनी पहिलोपटक सन् २००६ मा रिलिज भएको ‘जान–ए–मन’ फिल्मको केही दृश्यमा महिलाको डे«स तथा मेकअपमा उत्रिएका थिए । सलमान महिला बनेको सो दृश्यमा दर्शकले निकै इन्जोय गर्ने गरेका छन् ।
गोविन्दा
भर्सटाइल एक्टर गोविन्दा सन् १९९८ को ‘अन्टी नम्बर १’मा महिला बने । उनले सो फिल्ममा साडी मात्र लगाएका छैनन्, गाजल, टीका लगाएर घुम्टो पनि ओडेका छन् । कीर्तिकुमारले निर्देशन गरेको सो फिल्म दर्शकले मन पराएका थिए ।
शाहरुख खान
शाहरुखले आफूलाई ‘डुप्लिकेट’ फिल्मको एउटा दृश्यमा महिला बनाएका थिए । सन् १९९८ को उक्त फिल्ममा उनी दोहोरो भूमिकामा छन् । महिलाको मेकअप र भेषमा देखिँदा सुरुमा आफूलाई अजिब लागेको शाहरुख बताउने गर्दछन् । निर्देशक महेश भट्टले कथाको मागअनुसार शाहरुखलाई महिला बनाएर प्रस्तुत गरेका थिए ।
सञ्जय दत्त
सञ्जय पनि महिलाको गेटअप र हाउभाउमा उत्रिएका छन् । एक्सन हिरोका रूपमा जमिरहेको वेलामा उनलाई निर्देशक एसबी राजेन्द्र सिंहले ‘मेरा फैसला’ फिल्मको केही दृश्यमा महिला बनाएका थिए । सो फिल्म १९८४ मा प्रदर्शन भएको थियो ।
अक्षय खन्ना
अक्षय सन् २०१० को ‘नो प्रोब्लम’ फिल्मको केही दृश्यमा युवती बनेर देखा परे । निर्देशक अनिष बजमीले अक्षयलाई नारी अवतारमा उतारेका थिए । आफ्नो सो दृश्यले दर्शकलाई भरपुर मनोरञ्जन दिएको दाबी अक्षयको छ ।
अक्षय कुमार
विभिन्न भूमिका निर्वाह गर्दै आएका अक्षयकुमार सन् १९९२ मै नारी बनेका थिए । अर्थात् उनले ‘खिलाडी’ फिल्मको केही दृश्यमा महिला बनेर अभिनय गरेका छन् । निर्देशक अब्बास मस्तानले सञ्जयलाई महिलाको चरित्रमा उतारेर दर्शकलाई राम्रैसँग मनोरञ्जन दिएका छन् ।
रितेश देशमुख
चक्लेटी तथा कमेडी अभिनेताका रूपमा परिचीत रितेश सन् २०१४ को ‘हमसकल’ फिल्मको केही दृश्यमा केटी बने । उनलाई निर्देशक साजिद खानले केटीको गेटअपमा उतारेका थिए । हमसकल फ्लप भए पनि रितेशको सो प्रस्तुतिले राम्रै तारिफ पाएको थियो ।
