काठमाडौं ,१७ असार ।
राजधानिमा जारी एसीपिएल लिग क्रिकेट अन्र्तगत नेपाल स्ट्रोमलाई प्लेअफमा पराजित गर्दै श्रीलंकन लायन्स फाईनलमा प्रवेस गरेको छ ।
आज भएको प्लेअफअन्तर्गत पहिलो क्वालिफायरमा श्रीलंकन लायन्सले अंक तालिकामा शीर्ष स्थानमा रहेको नेपाल स्ट्रोमलाई १२ रनले पराजित गरेको हो ।
१ सय ७४ रनको लक्ष्य पछ्याउने क्रममा १७.५ ओभरमै १ सय ६१ रनमा अलआउट भएपछि नेपाल स्ट्रोम पहिलो क्वालिफायरमा पराजित भएको हो ।
श्रीलंकन लायन्ससँग हारेपनि नेपाल स्ट्रोमले बंगलादेश टाइगर्स र दुबई वारियर्सबीचको एलिमिनेटर विजेतासँग दोस्रो क्वालिफायर खेल्न पाउनेछ ।
कीर्तिपुरस्थित टीयू मैदानमा पहिले ब्याटिङ गरेको श्रीलंकन लायन्सले एन समाराक्कोडीको अर्धशतक मद्दतमा पूरै २० ओभर खेल्दै ७ विकेट गुमाएर १ सय ७४ रन बनाएको थियो । समाराक्कोडीले ४० बलमा सर्वा्धिक ५२ रन बनाए। यस्तै दीनेशले ४० रन जोडे ।
नेपाल स्ट्रोमका दिशान्त यादव, आशिष भट्ट र गौरब बारबाडेले २–२ विकेट लिए ।
जवाफमा जितेन्दर शर्माले २३ बलमा नटआउट ४२ रन बनाएपनि अन्य खेलाडीले राम्रो प्रदर्शन गर्न नसक्दा नेपाल स्ट्रोमले पूरै ओभर समेत खेल्न सकेन । ४ खेलाडीले मात्र दोहोरो अंक बनाएको स्ट्रोमको इनिङ्समा शर्माले सर्विधक ४२ रन बनाए ।
यस्तै दिशान्त यादवले ३६, भुपेन्द्र थापाले २५ तथा ओपनर गौरब बारबाडेले १० रन जोड्नु बाहे अन्य खेलाडीले दोहोरो अंक छुन सकेनन् ।
नेपाल स्ट्रोमलाई जितबाट रोक्न श्रीलंकन लायन्सका करण वालिअ र आकाश गौटेलले ३–३ तथा भैवब आरोरवले २ विकेट लिए ।
