काठमाडौं, असार १५ । पहिले नेपाली कलाकारहरुमा नेपालभित्रै फिल्मका प्रोजेक्ट कसले बढी पाउने भन्नेमा प्रतिष्पर्धा हुन्थ्यो तर अहिले विदेशमा कसले बढी प्रोग्राम पाउने भन्नेमा प्रतिष्पर्धा चल्छ ।
अहिले कमाइको स्रोत पनि ‘डायस्फोरा सोसाइटी’ बन्दै गएकाे छ । गायक–गायिका र कमेडीयनहरुलाई फलिफाप बनेको विदेशी बजार फिल्मकर्मीहरुका लागि पनि उपयुक्त देखिएको छ । अधिकांश नेपाली नायिकाहरु भने विदेश गएर ‘डान्स पर्फमेन्स’ देखाएर राम्रो आम्दानी गर्ने चलन छ । यसरी कमाउनेमा प्रियंका कार्की, नम्रता श्रेष्ठ, रेखा थापालगायतका नायिकाहरुको नाम अगाडि आउँछ । विदेशमा रहेका आयोजकहरुले यीनै नायिकाहरुलाई कार्यक्रममा बढी निम्तो दिने गरेका छन् ।
तर यस्तो प्रतिष्पर्धामा धेरै पछाडि छिन् सुष्मा कार्की । विदेशमा थोरै प्रोग्राम पाउने कलाकार हुन् उनी । तर सुष्माले भने ५ मिनेट मात्रै डान्स गरेको ३ लाख ‘रेट’ रहेको बताएकी छिन् । हालै उनले दिएको एक भिडियो अन्तरवार्ताको क्रममा यस्तो दावी गरेकी हुन् । तर सुष्माले दिएको यस्तो अभिव्यक्ति फिल्मकर्मीमाझ अनौठो गस्सिप बनेको छ ।
विवादमा आउन रुचाउने सुष्माले नयाँ काम नै नपाइरहेको बेला ५ मिनेट डान्स गरेको ३ लाख पारिश्रमिक लिने बताएको कुरा हास्यास्पद भएको भन्दै अरु फिल्मी कलाकारहरुले ‘गस्सिप’ बनाएका छन् । फिल्मका प्रोजेक्ट नपाएपछि फेसवुकमा फोटो राखेरै पनि आफ्नो प्रचार गर्ने सुष्माले कुन प्रोग्राममा ३ लाख पारिश्रमिक पाइन् होला भनी अरु थुप्रै अभिनेत्रीहरु समेत दंग परेका छन् ।
