एजेन्सी,१३ असार । सात छिमेकी मुलुकहरुको नाकावन्दीबाट आक्रान्त कतारलाई फेरि अर्को झट्का लागेको छ । सन् २०२२ मा हुने विश्वकप फुटबलको लागि छानिएको मुलुक कतारलाईे यस खेलको लागि आर्थिक चलखेल गरेको आरोप लागेको छ ।
जर्मनीको बिल्ड नामक पत्रिकाले विश्वकप आयोजक राष्ट्र छनोटका क्रममा आर्थिक चलखेल भएको दावी सहित प्रतिवेदन सार्वजनिक गरेको हो । प्रतिवेदनमा फिफाका एक उच्च अधिकारीकी छोरीलाई कतारी अफिसियलहरुले २० लाख अमेरिकी डलर घुस दिएको दाबी गरिएको छ ।
फिफाका पूर्व छानविनकर्ता माइकल गार्सियाले तयार गरिएको भनिएको प्रतिवेदनमा कतारलाई विश्वकप फुटबल आयोजना गर्न दिँदा भएको मतदानपूर्व कतारी अधिकारीहरुले फिफा पदाधिकारीलाई घुस दिएको उल्लेख गरिएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
