इलाम, १० असार । नेकपा एमालेका वरिष्ठ नेता झलनाथ खनालले सरकारको लाचारीपनले गर्दा प्रदेश नं २ को चुनाव सरेका आरोप लगाउनु भएको छ ।
इलामको रोङ गाउँपालिकाअन्तर्गत जिर्मलेको सलकपुरमा आज आयोजित चुनावी सभालाई सम्बोधन गर्दै उहाँले चुनाव नै गर्न नदिने नियतले निर्वाचन सारिएको बताउनु भयो ।
दोस्रो चरणको निर्वाचनबाट नेकपा एमाले पहिलो पार्टी बन्ने दाबी गर्दै उहाँले भन्नुभयो , “पश्चिम क्षेत्रमा त नेकपा एमालेको जनलहर देखियो, अब पूर्वमा पनि एमालेको त्यस्तै लहर चल्छ,” ।
उहाँले संविधान कार्यान्वयनका लागि पनि तोकिएकै समयमा तीनै तहको निर्वाचन सम्पन्न गर्नुपर्ने अपरिहार्यता रहेको आँैल्याउनुुभयो ।
पूर्वप्रधानमन्त्री समेत रहनुभएका खनालले चुनावपछि मुलुक आर्थिक समृद्धितर्फ अघि बढ्ने विचार व्यक्त गर्नुभयो ।
देशको स्वतन्त्रता र सार्वभौमसत्ता, लोकतन्त्रको संस्थागत विकास, सामाजिक रूपान्तरण, संस्कृतिको जगेर्ना र सन्तुलित विदेश नीति लिएर एमाले अघि बढ्ने उहाँले बताउनुभयो ।
