सुनसरी ,६ असार ।
नेपाल कम्युनिष्ट पार्टीका ५ जना नेता कार्यकर्ता आज रिहा भएका छन् ।
गत बैशाख २९ गते बराहा ८ को पुलाहबाट पक्राउ परेका नेकपा सनसरीका जिल्ला सेक्रेटरी उदय राई सहित खड्ग राई , सुरज राई , सुरेश राई ,अमृत पतङवालाई आज रिहा भएका हुन् ।
अधिवत्ता निराजन ओझाले दायर गरेको बन्दि प्रत्यक्षिकरणको मुदामा इनरुवाको जिल्ला अदालतले पक्राउ परेका सबैलाई तत्काल रिहा गर्न आदेश दिएपछि प्रहरीले आज पाचँ जनालाई रिहा गरेको हो ।
आदालतले आज दोस्रो पटक दिएको आदेशपछि प्रहरीले धरानको सर्जु खोलामा पुर्याई बेबारिसे अवस्थामा छाडेको हो । उनीहरुलाई छाडिएको करिब ४ घण्टा पछि मात्रै परिवारको सम्पर्कमा पुगेको जनाईएको छ ।
यसअघि दुई दिन पहिले नै अदालतले उनीहरुलाई रिहा गर्न आदेश दिएपनि प्रहरीले छाडेलगत्तै ६ जनालाई भने पुन गिरफ्तार गरेको थियो । नेकपा कार्यकर्ता मिना राजधामिलाई भने सोहि दिन छाडेको थियो ।
अदालतको पहिलो आदेशमा गत आईतवार रिहा गरेको र पारिवारीक सम्पर्कमा नआएको भनेपछि मिर्मिरे अनलाईले सुनसरीको जिप्रकामा सम्पर्क गर्दा सबैलाई परिवारको जिम्मा लगाएर छाडिसकिएको बताएको थियो ।
अर्का नेकपा कार्यकर्ता मोहन कार्कीलाई भने प्रहरीले अझै नियन्त्रणमा राखेको छ ।
