काठमाडौ ४ असार ।
आगामी असार १४ मा हुने दोस्रो चरणको स्थानीय तह निर्वाचनका लागि आज उमेदवार मनोनयन दर्ता हुदैछ । दोस्रो चरणमा प्रदेश नम्बर ४, ५ र ७ का ३५ जिल्लामा निर्वाचन हुदैछ ।
उम्मेदवारी दर्ताका लागि बिहान ८ बजे देखि दिउँसो ४ बजेसम्मको समय तय गरिएको छ भने आजै साँझ उम्मेदवारको सुची प्रकाशन गर्ने कार्यतालिका रहेको निर्वाचन आयोगले जनाएको छ ।
उम्मेदवारको बिरोधमा उजुरी दिन भोली बिहान ८ बजेदेखि १० बजेसम्मको समय तोकिएको छ । यस्तै आयोगले पर्सी असार ६ गते बिहान ८ बजेदेखि ११ बजेसम्म उम्मेदवारी फिर्ताका लागि समय निर्धारण गरिएको छ ।
निर्वाचन आयोगका प्रवक्ता सुर्यप्रसाद शर्माका अनुासर पर्सी उम्मेदवारको अन्तिम नामावली प्रकाशन गर्नेछ भने सोही दिन नै उमेदवारलाई निर्वाचन चिन्ह पनि प्रदान गरिनेछ ।
एक महानगरपालिका र सात उपमहानगरपालिसहित तीन सय ३४ स्थानीय तहमा १५ हजार ३८ प्रतिनिधि चयनका लागि आगामी असार १४ गते निर्वाचन हुनेछ ।
निर्वाचनका लागि देशभर आठ हजार ३ सय ६४ मतदान केन्द्र निर्धारण गरिएको छ ६६ हजार ९०० कर्मचारी खटिने निर्वाचन व्यवस्थापनका लागि खटिनेछन् । दोस्रो चरणको निर्वाचनमा ६४ लाख ३२ हजार ७ सय ६५ मतदाता सहभागी हुदैछन् ।
