काठमान्डौ ,जेठ ३१ ।
आन्दोलन फिर्ता लिइ स्थानीय तहको निर्वाचनमा सहभागी गराउने प्रयास स्वरुप राष्टिय जनता पार्टी नेपालसँग आज पनि प्रमुख दलहरुले संयुक्त रुपमा छलफल गर्र्दै छ ।
राजपाले निर्वाचनमा आउने लिखित प्रतिवद्धता जनाए मिति सार्ने सम्मको संकेत गरेको सत्तारुढ दलले प्रमुख प्रतिपक्षी दल नेकपा एमाले सहित राजपा सँग संयुक्त रुपमा छलफलको तयारी गरेका हुन् ।
यद्यपी निर्वाचन सार्ने विषयमा एमालेको असहमति र राजपाले पनि वार्ताको जाल झेलमा नफस्ने बताए पछि आजको छलफल अन्योृलमा परेको छ । सत्तारुढ दलले राजपालाई छलफलका लागि आज सिंहदरबारमा अपरान्ह बोलाएका छन् ।
राजपाका अधिकांश शीर्षस्त नेताहरु भने आन्दोलनलाई प्रभावकारी बनाउन भन्दै आज राजधानी बाहिर जाने तयारीमा रहेका छन् । अधिकांश शिर्षस्त नेता राजधानी बाहिर जानै तयारीमा रहेकाले आजको वार्तामा उपस्थित हुने संम्भावना कम रहेको राजपा नेता केशव झाले जानकारी दिनुभयो ।
