सर्लाही ,जेष्ठ २४ । राष्ट्रिय जनता पार्टी नेपालका नेता राजेन्द्र महतोले असार १४ गते हुने दोस्रो चरणको स्थानीय तह निर्वाचन सार्न माग गर्नुभएको छ ।
गृह जिल्ला सर्लाहीको मलंगवामा आज आयोजित पत्रकार सम्मेलनमा बोल्दै महतोले तत्कालै मधेसको माग पुरा भएपनि असरा १४ मा निर्वाचनमा भाग लिन नभ्याउने अवस्था रहेका बताउनु भयो ।
राजपाको पहिलो लक्ष्य अधिकार प्राप्ति भएको उल्लेख गर्दै उहाँले त्यसपछि चुनाव गर्नु उचित हुने बताउनुभयो ।
मधेसले लामो आन्दोलन र सहादत दिएको निर्वाचनका लागि नभई संविधानमा अधिकार सुनिश्चित गर्नका लागि भएको महतोको स्पष्टोक्ति थियो ।
तोकिएको चुनाव मिति अुनसार असार २ गते मनोनय गर्नुपर्ने अवस्थामा राजपाले तयारी गर्न नभ्याउने उहाँको भनाई थियो ।
२० वर्षसम्म स्थानीय चुनाव नहुँदा फरक नपर्ने तर अहिले केहिदिन सार्दैमा कोकोहोलो मच्चाउन पर्दैन महतोले भन्नुभयो , शान्ति र स्थिरता ल्याउने गरि चुनाव हुनुपर्छ त्यसैले केहि समय पछि मात्रै चुनाव गराउनुपर्छ ।
भर्खरै प्रधानमन्त्रीमा चयन भएका शेरबहादुर देउवाको एउटा गल्तीले माओवादी द्वन्द्व बढेर हजारौंको ज्यान गएको स्मरण गराउँदै महतोले भन्नुभयो ‘पुरानो गल्तीबाट सिकेर देउवाजीले अहिले फेरि द्वन्द्व बढाउने काम गर्नु हुन्न भन्ने विश्वास लिएका छौं । मधेसको मागलाई उहाँले गम्भीरतापूर्वक लिनुहुने आशा राखेका छौं ।’
उहाँले तत्कालिन माओवादीले राखेको ४० सुत्रीय मागलाई रद्दिको टोकरीमा फ्याल्ने गल्ती गर्दा देश आर्थिक, सामाजिक र विकासमा निकै पछाडि परेको इतिहासलाई परिपक्व प्रधानमन्त्रीले नदोर्होयाउनेमा आफू आशावादी भएको उहाँको भनाई छ ।
मधेसको मुख्य शक्ति राजपालाई बाहिर राखेर चुनाव गर्दा मुलुक फेरी नसोचिएको द्वन्द्वमा जाने पनि उहाँले चेतावनी दिनुभयो ।
