काठमाडौं, जेठ २४ । दक्षिण एसियाली ओलम्पिक परिषदको कार्यकारिणी समितिको वैठकले सन् २०१९ मा नेपालमा आयोजना हुने १३ औं दक्षिण एसियाली खेलकुदमा २८ खेल समावेश गर्न प्रस्ताव गरिएको छ ।
भुटानमा जारी वैठकले यसअघि आयोजक नेपालले २३ खेल समावेश गर्ने प्रस्ताव राख्ने बताएपनि अन्तिम समयमा आएर ५ खेल थप गर्ने निर्णय गरेकाे हाे ।
कति खेल समावेश गर्ने भन्ने अन्तिम निर्णय यही वर्ष अस्गाबादमा हुने एसिएन ईन्डोर गेम्सको दौरान बस्ने वैठकले गर्नेछ ।
भुटानमा जारी दक्षिण एशीयाली ओलम्पिक परिषदको वैठकले अफ्गानिस्तानलाई दक्षिण एशियाली समुहबाट हटाएको औपचारिक निर्णय समेत गरेको छ ।
यसअघि अफ्गानिस्तनले पनि दक्षिण एशीयाली खेलकुदमा सहभागिता जनाउँदै आएको थियो ।
१४ औं साग कुन देशले आयोजना गर्ने भन्ने विषयमा भने यसपछि मालदिभ्समा हुने वैठकले निर्णय गर्ने भुटानबाट नेपाल ओलम्पिक कमिटिका अध्यक्ष जिवनराम श्रेष्ठले जानकारी दिए ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
