काठमाडौं, जेठ २४ ।
नवनिर्वा्चित प्रधानमन्त्री शेरबहादुर देउवाले आज पद तथा गोपनियताको सपथ ग्रहण गर्दै हुनुहुन्छ ।
आज दिउसो दुई बजे राष्ट्रपति विद्या भण्डारीसमक्ष प्रधानमन्त्री देउवाले सपथ लिने कार्यक्रम तय गरिएको जनाईएको छ । आज नै उहाँले पदभार ग्रहण गरेलगत्तै सानो आकारको मन्त्रिपरिषद गठनको समेत तयारी गर्नुभएको छ ।
पहिलो चरणमा कांग्रेस र माओवादी केन्द्रबाट तीन तीन जना र फोरम लोकतान्त्रिकबाट विजयकुमार गच्छदारसहितको मन्त्रीमण्डल बन्ने सम्भावना रहेको छ ।
यसअघि मंगलबार संसद भवन बानेश्वरमा भएको प्रधानमन्त्री निर्वाचनमा नेपाली कांग्रेसका सभापति समेत रहनुभएका देउवा ३ सय ८८ मतका साथ प्रधानमन्त्रीमा निर्वा्चित हुनुभएको हो ।
देउवाको पक्षमा ३ सय ८८ सांसदले मत दिएका थिए भने विपक्षमा १ सय ७० मत परेको थियो । संसदमा ५ सय ९३ सदस्य कायम रहेकोमा प्रधानमन्त्री चयनको निर्वाचनमा ५ सय ५८ मत खसेको थियो ।
