काठमाडौं ,१४ जेठ ।
प्रधानन्यायाधीश सुशीला कार्की्विरुद्ध संसद्मा दर्ता भएको महाभियोग प्रस्ताव आज फिर्ता हुने भएको छ ।
तीन दलको सहमतिअनुसार सत्तापक्षले प्रधानन्यायाधीश कार्की्विरुद्धको महाभियोग प्रस्ताव आज फिर्ता लिन लागेको हो ।
संसद्मा विचाराधीन रहेकै बेला सर्वोच्चले महाभियोग अघि नबढाउन अन्तरिम आदेश दिँदै निलम्वनमा पर्नुभएकी प्रधानन्यायाधीशलाई सोही पदमा काम गर्न आदेश दिएको थियो ।
एमालेले सुरुदेखि नै महाभियोगको विरोध जनाए पनि सर्वोच्चको आदेशपछि उक्त प्रस्ताव के गर्ने भन्नेमा स्वयं सत्तापक्ष पनि अलमलमा थियो ।
शनिवारको तीन दलीय बैठकमा ‘सत्तापक्षले आज सम्म फिर्ता लिने प्रतिबद्धता जनाएपछि संसदको अबरोध पनि हटेको छ ।
महाभियोग प्रस्ताव फिर्ताको प्रक्रियाबारे सत्तापक्षले छलफल भइरहेको जनाएको छ ।
गत वैशाख १७ गते कार्कीविरुद्ध सत्तारुढ नेपाली काँग्रेस र नेकपा (माओवादी केन्द्र)का २४९ सांसदले सो प्रस्ताव दर्ता गरका थिए ।
