काठमान्डौ ,जेठ १२ ।
बैशाख ३१ गते सम्पन्न पहिलो चरणको स्थानीय निर्वाचन अन्तरगत चार महानगरमध्ये काठमाडौ र भरतपूर महानगरपालिकाको मतगणना जारी छ ।
पछिल्लो मतपरिणाम अनुसार काठमाडौ महानगरपालिकामा एमालेका विद्यासुन्दर शाक्य ५७ हजार ४ सय ७३ मत सहितका अग्रस्थानमा हुनुहुन्छ भने कांग्रेसका राजुराज जोशीले ४० हजार २ सय ६९ मत पाउनु भएको छ ।
विवेकशील पाटीका रन्जु दर्शनाले २० हजार ८ सय ७९ मत ल्याइ तेस्रो स्थानमा हुनुहुन्छ । उपमेयरमा नेपाली कांग्रेसका हरिप्रभा खड्गी श्रेष्ठ शिर्ष स्थानमा हुनुहुन्छ ।
खड्गीले ५२ हजार ४ सय ९० मत प्राप्त गर्नु भएको छ भने उहाँका प्रतिद्धन्द्धी राप्रपाका राजाराम श्रेष्ठले ३१ हजार ७७ मत प्राप्त गर्नुभएको छ । ३२ वडा रहेको काठमाण्डौमा २७ ओटाको नतिजा आउदा १५ वटा वडामा एमाले र १२ वटा वडामा काग्रेसले जित हात पारेको छ ।
यस्तै भरतपूर महानगरपालिकामा एमाले र माओवादी विच कडा प्रतिस्पर्धा देखिएको छ । भरतपुरमा एमालेका देवी ज्ञवालीे ३५ हजार ९ मत प्राप्त गरी अग्र स्थानमा हुनुहुन्छ भने उहाँको प्रतिद्धन्द्धि नेकपा माओवादी केन्द्रका रेनु दाहालले ३३ हजार ३ सय ६८ मत प्राप्त गरी पछ्याइरहनु भएको छ ।
उपमेयरमा भन नेपाली कांग्रेसका पार्वती शाह शिर्ष स्थानमा कायम रहनु भएको छ । उहाँले ३७ हजार ३१ मत प्राप्त गर्नु भएको छ भने उहाँको प्रतिद्धन्द्धि एमालेका द्धिव्य आचार्यले ३१ हजार ७ सय ३५ मत प्राप्त गर्नु भएको छ ।
