काठमाडौ १२ जेठ ।
व्यवस्थापिका संसदको बैठक अपरान्ह चार बजेसम्मका लागी स्थगित भएको छ ।
नयाँबानेश्वर स्थित संसद भवनमा दिउँसो १ बजे बसेको बैठकमा सुरु हुनासाथ एमालेका सांसदहरु उभिएर मौन बिरोध जनाएपछि सभामुख ओनसरी घर्तीले आजै अपरान्ह सम्मका लागी बैठक स्थगित गर्नुभएको हो ।
आजको बैठकमा सरकारको निति तथा कार्यक्रम टेबुल गर्ने कार्यसुची रहेको छ ।
यसअघि हिजो नै नीति तथा कार्यक्रम संदन टेबुल गर्ने तयारी गरेपनि प्रमुख प्रतिपक्षी दल नेकपा एमालेको अवरोधका कारण टेबुल हुन सकेनको थिएन । यद्यपी एमालेले आज अपरान्ह पनि बैठक सुचारु हुन दिने संकेत गरेको छैन ।
हिजो राष्ट्रपति विद्यादेवी भण्डारीले सरकारको निति तथा कार्यक्रम बाचन गरेलगत्तै एमालेले अवरोध गरेपछि संसद बैठक आज दिउँसो १ बजे सम्मका लागि स्थगित गरिएको थियो ।
एमालेले स्थानीय तह संख्य हेरफेरको निर्णय, प्रधानन्यायाधिश सुशिला कार्कीमाथि दर्ता गरिएको महाअभियोग प्रस्ताव फिर्ता र पहिलो चरणको निर्वाचनका क्रममा भएका घटनाको छानबिन माग गर्दै लगातार सदन अवरुद्ध गर्दै आएको छ ।
सदनको गतिरोध हटाउने विषयमा प्रमुख दलका शिर्ष तहमा पहल भइरहेको छ । दलहरुबीच छलफल भइरहेको भन्दै माग पूरा नभएसम्म सदन चल्न नसक्ने एमाले संसदीय दलका उपनेता सुवास नेमवाङले बताउनु दिनुभयो ।
स्थानीय तहको संख्य हेरफेर गर्दा निर्वाचन नहुने सम्भावना बढ्नेप्रतिको एमालेको चिन्ता निर्वाचन आयोगले पुष्टी गरेको भन्दै उहाँले सहमतिका साथ अघि बढ्न तयार रहेको बताउनु भयो ।
