काठमाडौ ,६ जेठ ।
कोलकातालाई हराउदै मुम्बई इन्डियन्स इन्डियन प्रिमियर लिग आइपिएल क्रिकेटको फाइनलमा प्रवेश गरेको छ ।
दोस्रो प्लेअपमा गएराति कोलकत्ता नाइट राइडर्सलाई ६ विकेटले पराजित गर्दै मुम्बई दशौं आइपीएलको उपाधि नजिक पुगेको हो ।
बैंलोरको चिन्नस्वामी रंगशालामा टस हारेर पहिले ब्याटिङ गरेको कोलकाताले निर्धा्रित २० ओभरको खेलमा १८ दशमलव ५ ओभरमा सबै विकेट गुमाउँदै १ सय ७ रनको सामान्य स्कोर बनायो ।
जसका लागि सूर्यकुमार यादवले ३१ र इशान्क जागीले २८ रन बनाएका थिए । अन्य खेलाडीले भने खुलेर खेल्न सकेनन् । कोलकातालाई सस्तैमा समेट्ने क्रममा मुम्बईका करण शर्माले सर्वा्धिक ४ विकेट लिए ।
यस्तै बुमराहले ३ विकेट लिँदा मिचेल जोहन्सनले २ विकेट लिएका थिए । १ सय ८ रनको सामान्य लक्ष्य पछ्याएको मुम्बई १४ दशमलव ३ ओभरमा ४ विकेट गुमाउँदै विजयी बनेको थियो ।
मुम्बईका लागि क्रुनाल पाण्डेले नटआउट ४५ रनको योगदान दिए । यस्तै रोहित शर्मा २६ तथा पार्थिव पटेलले १४ रन बनाए ।
