काठमाडौं, जेठ ४ । मुलुकका चार महानगरपालिका मध्ये तीन वटामा नेकपा एमालेका उम्मेदवारअगाडि देखिएका छन् ।
ललितपुर महानगरपालिकाको प्रमुखमा भने कांग्रेस र एमालेका उम्मेदवारबीच अघिपछि हुने क्रम चलिरहेको छ ।
पछिल्लो परिणाम अनुसार काठमाडौं महानगरपालिकामा नेकपा एमालेका विद्यासुन्दर शाक्य ७ हजार १ सय ३६ मतसहित अग्रस्थानमा छन् । नेपाली कांग्रेसका राजुराज जोशीले ५ हजार ८ सय ९७ मत प्राप्त गरेका छन् ।
त्यसैगरी ललितपुर महानगरपालिकाको प्रमुखमा नेपाली कांग्रेसका चिरीबाबु महर्जनले ९ हजार ४ सय ३२ मतसहित अग्रता लिएका छन् ।
कडा प्रतिस्पर्धा भईरहेको ललितपुरमा एमाले उम्मेदवार हरिकृष्ण ब्यञ्जनकारले ९ हजार २ सय ७८ मत प्राप्त गरेका छन् ।
उता, भरतपुर महानगरपालिकाको प्रमुखमा नेकपा एमालेका उम्मेदवार देवी ज्ञवालीले ६ हजार ८ सय मत प्राप्त गरेका छन् । नेकपा माओवादी केन्द्रकी रेणु दाहालले भने ५ हजार ८९ मत प्राप्त गरेकी छन् ।
यसैगरी पोखरा महानगरपालिकामा पनि कांग्रेस र एमालेबीच कडा टक्कर देखिएको छ ।
त्यहाँका कांग्रेस उम्मेदवार रामजी कुँवरले ९ हजार १ सय ८६ मत प्राप्त गर्दा एमाले उम्मेदवार मानबहादुर जिसीले ८ हजार ८ सय २९ मत ल्याएका छन् ।
