काठमाण्डौ, जेठ २ ।
नेपाल कम्युनिस्ट पार्टीले आज कालिकोटको माल्कोट घटनाको बिरोध गर्दै आज मुलुकभर प्रदर्शन गरेको छ ।
माल्कोटमा प्रहरीको गोलि लागी धनरुप बटालाको मृत्यु भएको घटनाको बिरोधमा आज कम्युनिष्ट पार्टी मुलुकभरका सबै जिल्ला सदरमुकाममा बिरोध प्रदर्शन गरेको हो ।
सरकारले अधिकारका लागि संघर्षरत जनतामाथि फासिवादी शैलीमा दमन गरेर अधिकार लागि लडिरहेका जनताको हत्या गरेको भन्दै त्यो कदापि स्वीकार्य नहुने जनाएके छ ।
सोहि क्रममा आज उपत्यकाका तीनै जिल्ला काठमाण्डौ , ललितपुर र भत्तपुरमा बिरोध प्रदर्शन गरेको थियो । सोहि क्रममा काठमाण्डौको असनबाट ६ जना नेकपाका नेता कार्यकर्ता पक्राउ गरेको छ ।
पक्राउ पर्नेमा सुदर्शन, जयसिंह, बिजय, भृकटी, लोकन्द्र र यज्ञमान रहेको जनाईएको छ । उनीहरुलाई दरबारमाग र अनामनगर प्रहरी प्रभाग तथा विसालबजारको जनसेवा प्रहरीमा राखिएको छ ।
यता नेपाल कम्युनिष्ट पार्टिले पक्राउ परेका सबै नेता कार्यकर्तालाई विनाशर्त तत्काल रिहाई गर्न माग पनि गरेको छ ।
