पोखरा , १ जेठ । पोखरा लेखनाथ महानगरपालिकामा मगतगणना जारी रहेको छ। खसेको एक सय मत गणना गर्दा नेकपा एमाले अग्रता लिएको छ। मेयर पदमा नेकपा एमालेका मानबहादुर जिसीले ५१ मत र नेपाली कांग्रेका रामजी कुँवरले ३३ मत प्राप्त गर्नु भएको छ।
उपमेयर पदमा नेपाली कांग्रेसकी सरस्वती गुरुङले ३० मत प्राप्त गर्नु भएको छ। नेकपा एमालेबाट उपमेयर पदकी उम्मेदवार मञ्जु गुरुङले ४७ मत पाउँनु भएको छ।
पोखरा लेखनाथमहानगर पालिकामा १२ बजेदेखि मतगणना सुरु भएको हो। देशकै ठूलो महानगरपालिकाको १ नम्वर वडा वाट मतगणना सुरु भएको हो। पोखराको बगर स्थित नगर प्रशिक्षण केन्द्रमा मतगणना सुरु भएको छ। महानगरमा ३३ वडा रहेका छन्।
पोखरा महानगरमा १ लाख ६८ हजार ६७ मतदाता रहेका छन्। आइतबार भएको चुनावमा एक लाख २५ हजार ६ सय १४ मत खसेको क्षेत्रीय निर्वाचन कार्यालय पोखराका प्रमुख गंगालाल सुवेदीले जानकारी दिनुभयो। कास्कीका ४ वटै गाउँ पालिकामा पनि मतगणना सुरु भएको छ। कास्कीमा अन्नपूर्ण गाउँपालिका, रुपा गाउँपालिका, मादी गाउँपालिका र माछापुच्र्छे गाउँ पालिका गरि ४ गाउँ पालिका रहेका छन्।
