३० बैशाख,पोखरा । चुनावको मौन अवधिमा भोट किनेबेच चलिरहेको छ । कमवानपुरमा काँग्रेस नेता समातिएको घटना सेलाउन नपाउँदै मतदातालाई पैसा बाँडिरहेको अवस्थामा एक जना मन्त्रीलाई स्थानीयले नियन्त्रणमा लिएका छन् ।
वाणिज्य मन्त्री रोमी गौचन थकालीले निर्वाचन आचारसंहिताविपरीत मतदातालाई पैसा बाँडेको भन्दै शनिबार बिहानैदेखि जोमसोम बजार तनावग्रस्त भएको छ ।
मन्त्री गौचनलाई प्रहरीले सुरक्षा दिएर स्थानीय यामप्रसाद थकालीको घरमा राखेको छ । प्रदर्शनकारीले कालीगण्डकी करिडोरको कोरला सडकको ठाउँ ठाउँमा चक्काजाम गरेका छन् ।
बिहानैदेखि जोमसोम बजारमा कांग्रेसबाहेकका दलहरु र स्वतन्त्रका उम्मेदवार समर्थित कार्यकर्ताहरुको प्रदर्शन चर्किएको छ । प्रर्दशनका कारण मुक्तिनाथ जान लागेका दर्शनार्थीहरु बाटोमै रोकिएका छन् ।
प्रदर्शनकारीले जोमसोम मुक्तिनाथ सडकमा सवारी चल्न दिएका छैनन् ।
