काठमाडौँ, २७ वैशाख ।
प्रमुख निर्वाचन आयुक्त डा अयोधीप्रसाद यादवले स्थानीय तहको ठूलो भूगोल भएकाले उम्मेदवारलाई जनताको घरमा पुगेर मत माग्न कठिन भएको बताउनु भएके छ ।
रिपोटर्स क्लब नेपालको साक्षात्कारमा उहाँले मत माग्न र मतशिक्षा दिने कार्यमा समयको तालमेल मिलाउन समस्या परेको बताउनु भयो ।
पटक पटक भईरहेको सरकार बिस्तारले मुलुक सङ्क्रमणकाल मै रहेको पुष्टी गरेको भन्दै उहाँले आयोग निर्वाचनलाई स्वच्छ, स्वतन्त्र र निष्पक्ष बनाउन दृढ रहेको बताउनु भयो ।
विभिन्न शङ्का आशङ्काबीच पनि निर्वाचनप्रतिको सबैको सकारात्मक सोचबाट अहिलेको अवस्थामा आएको भन्दै उहाँले बदर मत प्रतिशत घटाउन सकियोस् भन्ने दृष्टिकोणबाट आयोगले यसपटक निर्वाचन शिक्षालाई जोड दिइरहेको पनि जानकारी गराउनु भयो ।
निर्वाचन कानुनमा व्यवस्था भएअनुसार मतदान सकिएर मतपेटिका सङ्कलन भएपछि मतगणना सुरु गरिने बताउँदै उहाँले स्थानीय तहको दोस्रो चरणको निर्वाचन जेठ ३१ मै हुने दाबी पनि गर्नुभयो ।
संवैधानिक प्रक्रियाअनुसार नियमितरुपमा आउने सरकारको वार्षिक नीति तथा कार्यक्रम र बजेट निर्वाचन आचारसंहिता अनुकूल हुनुपर्नेमा जोड दिनुभयो ।
