काठमाण्डौ ,२५ बैशाख ।
दल दर्ताको तयारी गरिरहेको राष्ट्रिय जनता पार्टी नेतृत्वको संघीय गठबन्धनले आगामी रणनीति तयार गर्दै छ ।
निर्वाचनमा आयोगमा पार्टी दर्ता गराउन बिधान र घोषणापत्र बनाउने गृहकार्य गरिरहेकोे गठबन्धनले प्रधानमन्त्री प्रचण्डले आफुहरुको माग संबोधन नगरि जेठ ४ गतेसम्म संसद बैठक स्थगित गराएर धोका दिएको भन्दै आगामी रणनीति बनाउन लागेको हो ।
राष्ट्रिय जनता पार्टीका संयोजक महन्थ ठाकुरको अध्यक्षतामा अपरान्ह बस्ने बैठकले समग्र राजनीतिक परिस्थितिको समीक्षा गरी आगामी आन्दोलनका कार्यक्रमका बारेमा छलफल गर्ने नेता केशव झाले बताउनु भयो ।
प्रधानमन्त्री प्रचण्डले भद्र सहमति तोडेर संसदको बैठक जेठ ४ गतेसम्म स्थगित गर्न लगाएपछि धोका भएको भन्दै उहाँले दोस्रो चरणको निर्वाचनमा सहभागी हुने संभावना कम रहेको बताउनु भयो ।
संघीय गठबन्धनका संयोजक रहेका संघीय समाजवादी फोरमका अध्यक्ष उपेन्द्र यादवले पहिलो चरणको निर्वाचनमा सहभागी हुने निर्णयगरेपछि उहाँबाट पनि धोका भएको ठहर राष्ट्रिय जनता पार्टीले गरेको छ ।
यादवले पनि आत्मालोचना गर्नुपर्ने भन्दै उहाँले त्यसो नभए आफुहरु अव गठबन्धनमा समेत नरहने बताउनु भयो ।
