काठमाडौँ, २२ वैशाख ।
व्यवस्थापिका–संसद्को बैठक आज पनि बस्दै छ । बैठक नयाँ बानेश्वर स्थित संसद भवनमा बिहान १० बजेपछि बस्दै छ ।
आजको बैठकमा सर्वोच्च अदालतका प्रधानन्यायाधीश सुशीला कार्कीमाथिको महाअभियोगको प्रस्तावको विषयमा छलफल गर्ने कार्यसूची रहेको छ ।
बिहिवार अपराह्न ३ बजेका लागि तय भएको बैठक महाअभियोग प्रस्ताव फिर्ता नलिए अबरुद्ध पार्ने प्रतिपक्षी एमालेको चेतावनीका कारण स्थगित गरि शुक्रबार बिहान १० बजेका लागि तय गरिएको थियो ।
संसद्को कार्यसूचीका विषयमा प्रमुख दलबीच सहमति हुन नसकेपछि सूचना टाँसेर बैठक स्थगित गरिएको हो । प्रमुख प्रतिपक्षी दल नेकपा (एमाले)ले महाअभियोगको प्रस्ताव फिर्ता लिन आग्रह गरेको तथा संविधान संशोधन प्रस्तावमा समेत सहमति नजुटेका कारण बैठक स्थगित भएको संसद् सचिवालयले जनाएको छ ।
आजको संसद बैठक पनि एमालेले अबरुद्ध पार्ने संकेत गरेको छ ।
