काठमाण्डौ, बैशाख २० ।
निर्वाचन आयोगले बैशाख ३१ गते हुने पहिलो चरणको स्थानीय तहको निर्वाचनका लागि उम्मेदवारी दिएको सबै ३४ जिल्लाका उम्मेदवारहरूको सूची भोली प्रकाशित गर्ने भएको छ ।
विभिन्न राजनीतिक दल तथा स्वतन्त्रले दिएका उम्मेदवारीको सूची आज नै प्रकाशित गरिने भनिए दाबी बिरो कहाँ कति पर्यो भन्ने रिपोट साझ सम्म पनि नआएपछि भोली मात्रै सूची प्रकाशित गर्ने तयारी गरिएको अयोगले जनाएकोछ ।
पहिलो चरणमा वैशाख ३१ गते २ सय ८३ स्थानीय तहमा निर्वाचन हुँदैछ । चार महानगरपालिका, एक उपमहानगरपालिका, ९२ नगरपालिका र १८६ गाउँपालिकामा चुनाव हुनेछ ।
पहिलो चरणको चुनावबाट ९७ प्रमुख र उपप्रमुख, १ सय ८६ अध्यक्ष र उपाध्यक्ष चयन हुने छन् । त्यस्तै, २ हजार ५ सय ९८ वडाध्यक्ष तथा यति नै संख्यामा महिला र दलित सदस्य निर्वा्चित हुने छन् ।
चुनावमा ४९ लाख ५६ हजार ९ सय २५ मतदाताहरूको सहभागी रहने छ । मतदानका लागि निर्वाचन आयोगले ६ हजार ६ सय ४२ मतदान केन्द्र तोकेको छ । उम्मेदवारी दर्ता गरेलगत्तै प्रचारप्रसारको काम सुरु भएको छ ।
