सत्तारुढ पार्टीले संसदको अधिकारलाई दुरुपयोग गरीप्रधानन्यायाधीशविरुद्धको महाअभियोगको लगाएको भन्दै एमालेले त्यसको भत्सना पनि गरेको छ ।

अदालतमा आईजीपी प्रकरणको मुद्धा चलिरहेको र त्यही मुद्धा हेरिरहेको प्रधानन्यायाधीशविरुद्ध आबेश, उत्तेजना र मनोगन आधारमा महाअभियोग ल्याईनु  चुनावको मुद्धालाई डाइभर्ट गर्न र चुनाव रोक्ने अभिप्रया भएको पनि एमालेले जनाएको छ ।

एमाले सचिव योगेश भट्टराईले  ‘नाङ्लो ठटाएर हात्ती तर्साउने प्रयास  गरिएको भन्दै   ‘एमालेले त्यसविरुद्ध डटेर सामना गर्ने बताउनु भयो ।

कार्की योग्य, निडर र क्षमतावान रहेको बताउँदै सरकारले आम नेपाली महिलामाथि नै अपमान गरेको भन्दै उहाँले निर्वाचन आयोग, न्यायालयलगायत संवैधानिक निकायमा एकपछि अर्को हस्तक्षेप गर्दै सरकारले अलोकतान्त्रिक र अधिनायकवादी शासनको पूर्वअभ्यास गरेको आरोप लगाउनु भयो ।

एमाले नेता एवं पूर्वकानुन मन्त्री अग्नि खरेलले कार्कीविरुद्धको महाअभियोग दुर्भाग्यपूर्ण तथा मुलुकलाई अस्थिरता र अराजकतातर्फ लैजाने प्रयास भएको टिप्पणी गर्नुभएको छ ।