काठमाण्डौ ,१४ बैशाख ।
सरकारले आफुहरुसँग गरेको सहमती तोडेको भन्दै आन्दोलनको चेतावनी दिएको राष्ट्रिय जनता पार्टी नेपालले आज नयाँ रणनीती तयार गर्दै छ ।
सत्तारुढ घटक र प्रमुख प्रतिपक्षी एमालेबीच स्थानिय तह सङख्या तत्काल नथप्ने सहमती भएपछि राजपाले आज अध्यक्ष मण्डलको बैठक बसि आन्दोलनको स्वरुप तयार गर्न लागेको हो ।
जनसङख्याको आधारमा ११ जिल्लामा स्थानिय तहको सङख्या बढाउने सरकारले आफुहरुसँग सहमती गरेपनि सरकारले त्यसको अवज्ञा गरेपछि थप आन्दोलनको तयारीका लागी राजपाले अध्यक्ष मण्डलको बैठक बोलाएको छ ।
त्यसअघि आज हिजो राति अबेर भएको सहमतीका बारेमा पहिले सरकारको धारणा बुझ्ने राजपाका नेता राजकिशोर यादवले बताउनु भयो ।
बैठक विजुली बजार स्थित पुरानो तमलोपाको कार्यलयमा बस्ने तय भएपनि समय भने यकिन नभएको उहाँले बताउनु भयो ।
नेता यादवले निर्वाचन नगर्ने नियतका साथ सरकारले एमालेसँग सहमती गरेको भन्दै सरकारको धारणा बुझेर मात्रै थप आन्दोलनका कार्यक्रम घोषणा गर्ने जानकारी दिनुभयो ।
आजको बैठकमा सरकारसँग भएको सहमतीको समिक्षा गर्नुका साथै आगामि आन्दोलनका कार्यक्रम घोषणा गर्ने राजपाले जनाएको छ ।
