काठमाडौ १३ वैशाख ।
दुई चरणमा निर्वाचन गर्ने सरकारको निर्णयसँगै उत्पन्न राजनीतिक गतिरोधन अन्त्य गर्ने पहल स्वरुप मुख्य पाँच दलको बैठक आज बस्दैछ ।
बिहान साँढे १० बजेपछि बालुवाटारस्थित प्रधानमन्त्रीको सरकारी निवासमा बस्ने बैठकमा संविधान संशोधन विधेयक, स्थानीय निर्वाचन र अवरुद्ध संसद् खुलाउने विषयमा छलफल हुने नेताहरुले बताएका छन् ।
प्रदेश नम्बर २ र ५ का ११ जिल्लामा स्थानीय तहको संख्या बढाउने सरकारको तयारीप्रति आपत्ति जनाउँदै प्रमुख प्रतिपक्ष एमालेले हिजो संसद बैठक अवरुद्ध गरेपछि संशोधन विधेयक अघि बढ्न सकेको छैन ।
यस्तै दुई चरणको चुनाव घोषणा, पहिलो र दोस्रो चुनावको एक महिनाको अन्तर, चुनावअघि बजेट ल्याउने लगायतका विषयमा पनि एमालेले असहमति जनाउँदै आएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
