काठमाण्डौ ,९ वैशाख ।
प्रधानमन्त्री पुष्पकमल दाहालले स्थानीय तह निर्वाचनमा अन्र्तराष्ट्रिय समुदायको सहयोग आवश्यक रहेको बताउनु भएको छ ।
बालुवाटारस्थित प्रधानमन्त्रीको सरकारी निवासमा अमेरिकी सिनेटरसँको भेटमा प्रधानमन्त्री दाहालले आगामी निर्वाचनमा अन्र्तराष्ट्रिय समुदायको सहयोगको आवश्यकता रहको बताउनुभयो ।
तोकिएकै समयमा स्थानीय तह निर्वाचन हुने अमेरिकी सिनेटलाई जानकारी गराउदै उहाँले संविधान कार्यान्वयनका लागि मुलुक अहिले स्थानीय तहको निर्वाचनमा होमिएको बताउनु भयो ।
प्रधानमन्त्री दाहालले स्थानीय सरकारको गठनपछि विकास आयोजना र समृद्धिको सपनाले अझ तीव्रता पाउने बताउनुभयो ।
भेटमा अमेरिकी सिनेटरहरु क्रिस्टोफर कुन्स र जेफ मक्र्लीले नेपालमा महिलाको राजनीतिक र सामाजिक क्षेत्रमा देखिएको जागरण विश्वकै निम्ति नमुनायोग्य रहेको बताएका थिए ।
प्रधानमन्त्री दाहालले नेपालमा सञ्चालित विकास आयोजना र त्यसको प्रभावकारिताका बारेमा जानकारी गराउनु भएको उहाको निजी सचिवालयले जनाएको छ । प्रधानमन्त्री दाहालले नेपालको विकास आयोजनामा अमेरिकाले गरेको सहयोगका लागि आभार व्यक्त गर्नुभयो ।
