रसुवा, चैत २९ ।
११ दिनदेखि चीनको केरूङमा रोकिएको १० हजार थान मतपेटिका लिन नेपाली टोली आज त्यसतर्फ जाँदै छ ।
रसुवागढि भन्सार कार्यालयका अनुसार चीनको ठोङ्सामा झरेको पहिरो पन्छाउने कार्य सकिएकाले मतपेटिका लिनका लागि व्यवसायी आज केरूङ जान लागेका हुन् ।
आगामी वैशाख ३१ गते हुने स्थानीय तहको चुनावको लागि चीनबाट ल्याइँदै गरेको १० हजार थान मतपेटिका चीनको केरूङ स्थित ठोङ्सामा झरेको पहिरोको कारण सडक अवरुद्ध भएपछि केरूङमा नै राखिएको थियो ।
भन्सार प्रमुख केदार पनेरुका अनुसार व्यवसायी आज गएर लोड गर्नुपर्ने र चिनियाँ भन्सारमा जाँचपास गर्न समय लाग्ने भएकाले मतपेटिका भोली आइपुग्ने सम्भावना रहेको छ ।
चुनावका लागि चीनबाट ल्याउन लागिएका ३० हजार थान मतपेटिका मध्ये पहिलो चरणमा १० हजार थान मतपेटिका ल्याउन लागिएको हो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
