काठमान्डौ चैत्र २३।
आज देखि भारतको नयाँ दिल्लीमा इन्डियन प्रिमियर लिग आइपीएल क्रिकेटको दसौ संंस्करण सुरु हुदै छ ।
प्रतियोगिताको पहिलो खेलमा डिफेन्डीङ च्याम्पियन सनराइजर्स हैदराबाद र रोयल च्यालेन्जर्स बेङलोर विच प्रतिस्पर्धा हुने छ । यी दुइ टोली विचको खेल राति ८ बजे हैदराबादको घरेलु मैदान राजीव गान्धी अन्तराष्टिय रंगशालामा हुने छ ।
अघिल्लो सिजन पावर प्लेमा सबै भन्दा कम रन खर्चिएको है दरावादले यो सिजनमा पनि बलिङलाई मुख्य हतियार बनाउने भएको छ । बंगलादेशका मुस्ताफिजुर रहमान हैदरावादको मुख्य आकर्षक हुन् ।
यस्तै बेङलोरका नियमित कप्तान विराट कोहलीले भने हेदराबाल विरुद्धको उद्घाटन खेलमा नखेल्लने जनाइएको छ । कोहलीको स्थानमा अस्ट्रेलियाका अल राउन्डर सेन वाटसन ले बेङलोरको कप्तानी सम्हाल्ने छन् ।
सन् २००८ देखि सुरु भएको आइपीएल पछिल्लो समय सबै भन्दा लोकप्रिय क्रिकेट लिग मानिन्छ । यस संस्करणको प्रतियोगितामा दिल्ली डेयरडेभिल्स, गुजरात लायन्स, किंग्स इलावेन पन्जाब, कोलकत्ता नाइट राइडर्स, मुम्बई इन्डियनस, राइजिङ पुने सुपरजाइन्ट, रोयल च्यालेन्जर्स बेङलोर र सन्राइजर्स हैदरावादले प्रतिस्पर्धा गर्ने छन् ।
