काठमाडौँ, १२ चैत ।
सङ्घीय समाजवादी फोरम नेपालका अध्यक्ष उपेन्द्र यादवले सबै दलको समन्वय र सहमतिमा पहिला केन्द्रीय चुनाव गर्नु पर्ने बताउनु भएको छ ।
रिपोर्टर्स क्लबले आज आयोजना गरेको साक्षात्कारमा उहाँले केन्द्रको चुनावपछि अन्य निर्वाचन गर्नुपर्ने संवैधानिक व्यवस्था रहेको बताउनु भयो ।
अध्यक्ष यादवले संविधानले मधेसी, जनजाति, थारु, सङ्घीयता पक्षधर र सीमाङ्कनको विषयलाई उपेक्षा गरेको पनि बताउनु भयो ।
उहाँले संविधान पुनःलेखन नगरिएसम्म मुलुकमा स्थायित्व तथा शान्ति कायम हुन नसक्ने धारणा व्यक्त गर्नुभयो ।
संशोधनमार्फत समाधान गर्ने भए कुनै पनि विषयलाई थाती राख्नु नहुने भन्दै अध्यक्ष यादबले भन्नुभयो , यसले समस्यालाई झनै बल्झाउँछ, यदि सीमाङ्कनको विवाद समाधान गर्नका लागि आयोग गठन गर्ने हो भने पनि त्यसलाई शक्तिशाली बनाउनुपर्छ ।
अध्यक्ष यादवले सरकारले मोर्चासँग गरेको सहमति कार्यान्वयन गरेको भए अहिले मुलुकमा समस्या नै आउँदैन थियो ।
