चैत्र ४ काठमाण्डौं । मार्च २८ मा एएफसी एशिया कपको छनौट चरणको पहिलो खेलमा नेपालले फिलिपिन्स विरुद्धको २० सदस्यीय राष्ट्रिय टोलीको घोषणा गरेको छ ।
आज जापानी प्रशिक्षक कोजीले घोषणा गरेको टोलीमा यस पटक कप्तान अनील गुरुगंलाई समावेश गरिएन । सन् २००७ देखि नियमित राष्ट्रिय टोलीमा स्थान बनाएका गुरुगंले ४८ क्याप खेलेका छन् भने ९ वटा अन्तराष्ट्रिय गोल गरेका छन् । यस पटक कर्ण लिम्बुले स्ट्राईकरको रुपमा स्थान बनाएका छन् ।
घोािषत टोलीमा गोल किपरमा किरण चेमजोगं, विकेश कुथु र बिशाख श्रेष्ठ, डिफेन्डरमा रविन श्रेष्ठ, विराज महर्जन, अनन्त तामागं , आदित्य चौधरी, कमल श्रेष्ठ, जीतेन्द्र कार्की र रञ्जित धिमाल रहेका छन् । यसै गरी मिड फिल्डरमा रोहित चन्द, अन्जन विष्ट, विशाल राई, विक्रम लामा, हेमन गुरुगं र सुजल श्रेष्ठ रहेका छन् । फरवार्डमा विमल घर्ती भरत खवास , रञ्जन विष्ट र कर्ण लिम्बु रहेका छन् ।
फिलिपिन्स विरुद्ध मनिलामा नेपालले मार्च २८ मा खेल्ने छ ।
